Bertsoak - Fitxa ikusi Atal honi buruz gehiago jakiteko
2020-12-06 Orio Jaialdia [Bertsoa] / Aner "Euzkitze"
| Bertsoa entzun |
2020-12-06 Orio Jaialdia [Bertsoa] / Aner "Euzkitze"
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Gerra piztu da eta badator
ja antzeman degu bapo
ta itxuraz triste gaude dagona
oso tristea dalako
nahiz antzematen dan ez dagola
esperantzarik biharko
orain artean guk ere ez degu
asko egin haientzako
geranak geran neurrian geure
ardura aitortu beharko
orain ikusten baditugu da
lehen beitu ez genielako.
Gure herriak edo haienak
denak dauka bere kulpa
Espainak ere horren aurrean
min haundia sortu du ta
ta orain nahiz ta kezkatzen geran
haruntza begiratuta
urtero libre sentitzen ginan
bi kilo arroz lortuta
Euskal Herria ere halaxe
dabil konduktaz kondukta
libre nahi degu, bai baino beste
asko badaude lotuta.
Itxura asko egiten baita
maiz botatzen dan hitzekin
guri begira ari naiz baino
agintariekin berdin
orain gerrara atera dira
jai dago Marokorekin
referendum bat eskatzen da ta
hori ere lortu ezin
gure indarra bidal dezagun
zerbait ondo irten dedin.
Eutsi Sahara segi borrokan
ta ahal dezutena egin.
Datu-base honetan eskainitako informazioari buruz jakiteko, kontsultatu lege oharra