Bertsoak - Fitxa ikusi Atal honi buruz gehiago jakiteko
2021-05-07 Aretxabaleta Jaialdia [Bertsoa] / Beñat Lizaso
Bertsoa entzun |
2021-05-07 Aretxabaleta Jaialdia [Bertsoa] / Beñat Lizaso
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Saio batetik deitu didate
neretzako ze suertea
bertara heldu eta kolpea
ere izan da fuertea
hori izan da egia behintzat
garbi asko esatea
zuk duzun poza izan daiteke
ordea nere kaltea
batzuentzako ze erreza dan
suplentea izatea.
Eskertu diot deitu izana
hala esan diot egiz
Atxabaltara iritsi bainaiz
ni lehendabiziko aldiz
nahiz eta deia jaso nuen nik
horren ilusio handiz
“Hau da hau poza” esanez neri
alper-alperrikan zabiltz
suplente ere ez nintzateke
Lizaso izan ez banintz.
Bueno egokitu zaigunez gero
oholtzara igotzea
gutxienean lortu det behintzat
txalo batzuk jasotzea
baina ez pentsa ederra denik
modu hontan kantatzea
gaurkoa libre baina erakutsi
nahiko nioke atzea
ta hoberena ez al da izango
guztiena kobratzea?
Datu-base honetan eskainitako informazioari buruz jakiteko, kontsultatu lege oharra