Bertsoak - Fitxa ikusi Atal honi buruz gehiago jakiteko
2021-06-20 Iurreta Jaialdia [Bertsoa] / Eli Pagola
Bertsoa entzun |
2021-06-20 Iurreta Jaialdia [Bertsoa] / Eli Pagola
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Hiru urtean lanean jada
nolako izerdi patsa
etxea ere aldrebes daukan
huraxe zikulu-saltsa!
Nagusiari ari haizela
ohartzeko ere kapaza
hitzei neurria hartzea sarri
ez den izaten erraza
berriro ez den ikusi nahiko
baina ez gogorretik pasa. (bis)
Ia xurgatu ninduten eta
baniek zulo hontatik
buffet batean lan egiteak
bere alde ona badik
baina dirurik ja ez diat behar
nahikoa diat jadanik
bihar eguna fuertea dek
hori aspaldi bazekit
ta inor ez baziok lanean
ba orduan egin zak hik! (bis)
Noski hik ez den hire auzoa
bete nahi holako etsaiz
baina emailak alde egin din
udako arrosa usaiz.
Nahiz ta ez dioan nagusiari
desio horrenbeste gaitz
ia borratu eta beste bat
idazteko ez den garaiz
txintxoa izan nahi huan baina
bigunegia izan haiz. (bis)
Datu-base honetan eskainitako informazioari buruz jakiteko, kontsultatu lege oharra