Bertsoak - Fitxa ikusi Atal honi buruz gehiago jakiteko
2021-07-26 Mendaro Jaialdia [Bertsoa] / Andoni Egaña
Bertsoa entzun |
2021-07-26 Mendaro Jaialdia [Bertsoa] / Andoni Egaña
Neurria:
Hamalauko handia (hg) / Zazpi puntuko handia (ip)
Kokapena:
XDZ - Xenpelar Dokumentazio Zentroa
"Letrasekoa" nahiz izatez ta
numeroekin aski da!
Eta gainera ezertxok ere
ez dit kuadratzen guztira
garai batean izan genuen
indarra eta dizdira
garai batean izan gendun bai
baina gaur egun ez, tira!
Jubilazioa atzeratu da
hirurogeita zazpira
baina nork dio ez dela izango
“Hirurogei ta azpira!” (bis)
kalkulo eta kezka guztiak
alperrikakoak dira.
Autonomoen buruhausteak
bertsolarion mobidak
hamaika buelta ematen ditu
gure bizitzaren zibak
“Jubilatzeaz zer pentsatzen dek
Andoni esango didak”.
Alperrik dira ordun txaloak
eta alperrikan bibak (bis)
azkenerako hil behar gaitu
IRPF ta IVAk.*
Autonomoek hamaika aldiz
gestoriara bixita
bestela igual Ogasunetik
ipintzen digute zita.
Jubilatzea noiz helduko da?
Ez al dut irabazita?
Alde hortatik egon gintezke
bene-benetan etsita
ez al da hobe kontu horiek
Amaia guztiz ahantzita?
Bertsoa beti pentsatzen degu
bukaeratik hasita (bis)
baina bizitzan askoz hobe da
unea soilik bizita.
*Bigarren bertsoa hamarreko handira egokitu zuen.
Datu-base honetan eskainitako informazioari buruz jakiteko, kontsultatu lege oharra