BDB Bertsolaritzaren datu-basea

Informazio orokorra

Kategoria

Bat-batekoa

Saioa

2021-08-04 Gasteiz Jaialdia

Gai-jartzailea

Diaz De Cerio, Uxue

Bertsolariak / Egileak

Anda, Irati

Arrizubieta, Aroa

Egaña, Andoni

Gaztelumendi, Beñat

Lana

Launaka gaia-emanda

Jarritako gaia

Andoni, atzeko hiru hauek dantzako zure bikoteak dira, bakoitza modalitate ezberdinean. Zein dantza motetan ariko zinateke bakoitzarekin?

Deskribapena

Doinua

Behin batean Loiolan IV

Eguna pasa nekean eta

Gogoan daukat ez du aspaldi

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2021-08-04 Gasteiz Jaialdia [Bertsoa] / Irati Anda, Aroa Arrizubieta, Andoni Egaña, Beñat Gaztelumendi

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Neurria: Hamarreko handia
Doinua: Gogoan daukat ez du aspaldi

A. Egaña*
Nire aldean nahiz ta gaztea den
hogeita hemezortzi urte
urteek sarri mugaik ez dute
halaxe esaten dute
erritmo hontan badaukat nahiko
mugikortasun birtute
ai gasteiztar seguru nago
hau badakizula zuk’e
Iratirekin tango bat oso
gustora egingo nuke. (bis)

Neurria: Zortziko handia
Doinua: Eguna pasa nekean eta

I. Anda
Serio-serio hasi zara zu
ia hor osatzen draman
zurekin tangoak emango dit
nahikoa lan, nahikoa lan
animatu xamarra naiz eta
egingo naiz zurekin joan
baina Andoni hori bai noski
ritmoa zerorrek eraman. (bis)

Neurria: Zortziko txikia
Doinua: Behin batean Loiolan IV

A. Egaña
Aroa ez zaidazu
inola egin ihes
nire bi besoetan
har ezazu babes
bals bat dantza dezagun
esaidazu baietz
ni Abuelo Cebolletan
batailak esanez.

A. Arrizubieta
Nork ez du Egañarekin
bals bat dantzatu nahi?
Gustora egongo gara
gu izerditan blai
kantatzen igual ez dut
egingo, dantzan bai
ni zurekin dantzatu?
Ni zurekin jai-jai.

Neurria: Zortziko txikia
Doinua**

A. Egaña
Beñat Gaztelumendi
ez da hain narratsa
gainera oso ondo
eiten daki dantza
orain gerria moitu
gero hanka altxa
berdin zait regetoia
ta berdin zait saltsa
zurekin dantzatzeko
badut esperantza.
Txatxatxa!

Neurria: Zortziko txikia
Doinua: Behin batean Loiolan IV

B. Gaztelumendi
Eganen doinuari
jarri diot lupa
baina hartu didazu
txatxatxaren look-a***
ni dantzara nijoa
zapatak kenduta
Andoni segi hortxe
barrari helduta.

* A. Egañak bertso bakoitza doinu desberdinean kantatu zuen, bakoitzari doinu eta kantaerarekin dantzako erritmoa emanez
** Doinutegian jasotzeko dago
*** Luka ahoskatu zuen