2021-09-03 Zarautz Sariketa [Bertsoa] / Txaber Altube, Sarai Robles

Lagunak zarete. Udaran beti plan bereziak egiten dituzue: lurralde desberdinak bisitatu, hegazkinetik salto egin…Aurten hondartza nudista batera joan zarete. Elkarri begira zaudete zein aurrena biluztuko.

Deskribapena

Doinua

Azienda bat dago

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2021-09-03 Zarautz Sariketa [Bertsoa] / Txaber Altube, Sarai Robles

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

S. Robles
Hegazkinik gabeko
aurtengo partea
hobe zen Saturraran
partera joatea
ta arropak kentzeko
nolako tartea!
A ze abentura den
intimitatea.

Tx. Altube
Ta intimitatean
bat ondo bizi da
ez naiz Nartziso baina
pizten dut desira
ez diet egin gura
prakei beherantz tira
hemengo tiburoiak
okerrenak dira.

S. Robles
Hegazkinetik bota
zara zu maizago
Amazonaseraino
egin duzu txango
marrazo baten gisan
ni zure zain nago
zuk beti izan duzu
lotsa gutxiago.

Tx. Altube
Limurtzen naute hainbat
abentura handik
baina holakoetan
badaukat lotsarik
begira agure hori
kantzontzilo barik
Amazonasen ez zen
halako boarik.

S. Robles
Ta kaltzontziloekin
nolako burruka!
Hobe txiringitoan
kaña bat hartuta
begiratu hondartza
hasi eta buka
egoa berehala
jaitsiko zaizu ta.

Tx. Altube
Egoa jaitsi edo
autoestima puztu
halako itxurarik
nik ez dut gorpuztu
goazen txiringitora
bi zerbeza hustu
ta gero baietz biok
azkarren biluztu.

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko