Bertsoak - Fitxa ikusi Atal honi buruz gehiago jakiteko
2022-10-01 Gotaine Txapelketa [Bertsoa] / Ane Labaka Mayoz
| Bertsoa entzun |
2022-10-01 Gotaine Txapelketa [Bertsoa] / Ane Labaka Mayoz
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Kokapena:
XDZ - Xenpelar Dokumentazio Zentroa
Kolore iluna hartzen
du bizitzaren oihanak
ta nahi ez dena erakartzen
digu sarritan imanak
azkenaldian bizitza
dira mediku programak
noiz etorri ta noiz joan
agintzen du kronogramak.
Nahiz eta gehienak diren
gris ta beltz kolore gamak
nahiz ta ama izan diren
nere inguruko danak
nik ere ama izan nahian
denbora asko daramat. (bis)
Gaurkoz enegarren aldiz
etorri naiz klinikara
ustez laguntza eskeini
behar zidan kontsultara
orain artean izan det
lagun bakartzat almuada
eta mamu bilakatu
zaizkit hainbeste izara!
Ama izan nahi nuen ta
bidean hainbeste traba!
Gaur hemendik irtetean
telefonoak dardara
amari esan baitiot
“Amona izango zara”. (bis)
Berak ez zekien ezer
eta ez daki zer egin
batzutan nekeza baita
dena azaltzea hitzekin.
“Asko pozten naiz” esan dit
ta disimulatu ezin.
“Aita ere pozik dago
biok gaude elkarrekin”.
“Orain artean eginda
behar hainbeste ahalegin
nahiz ta ama bakar gisa
bide honi nion ekin
hurrengo kontsultetara
etorri zaitez nirekin”. (bis)
Datu-base honetan eskainitako informazioari buruz jakiteko, kontsultatu lege oharra