Bertsoak - Fitxa ikusi Atal honi buruz gehiago jakiteko
2022-10-02 Gasteiz Txapelketa [Bertsoa] / Iban Urdangarin
| Bertsoa entzun |
2022-10-02 Gasteiz Txapelketa [Bertsoa] / Iban Urdangarin
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
Bertsolariak badaki
famatu samarra dala
baina diru kontuetan
igarra eta makala
gerria mehea dadukat
eta bizkarra zabala
perfilez ateratzeko
nahiko mutiko formala
nahiz nik ere badakidan
mitxelinak ditudala
latza egin beharrean nago
eskatu didate, hala:
biluzik bete behar det
Interviuko azala!
Hartu ditut prestatzaile
masajista ta mediku
soineko kamisetetan
ia ezin naiz kabitu
makillaje mordo batek
itzalak dizkit garbitu
han azalduko naiz eta
ez zaiteztela harritu!
Bostehun milioi izan dira
aditu ondo, aditu!
Lotsa ba omen da baina
nerean ez da gelditu
diruak munduko lotsa
guztiak tapatzen ditu.
Nahiz etxekoek eskuak
bota dituzten buru’a
hau pasatuta nerea
izan behar da mundua!
Kaleratzen denean, bai
lehenbiziko apurua
baina ezkutatzea da
nik daukadan helburua
piña kolada basoan
whiskia eta purua...
Berriz hemen ikustea
ez da oso segurua
inpernura joan aurretik
bizi behar det zerua!
Datu-base honetan eskainitako informazioari buruz jakiteko, kontsultatu lege oharra