BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (18. 2022)

Saioa

2022-10-08 Donostia Txapelketa

Gai-emailea

Garatxena, Leire

Bertsolariak / Egileak

Arzallus, Maddalen

Martikorena Lizaso, Eñaut

Lana

Binaka gaia-emanda

Jarritako gaia

Maddalen eta Eñaut pisukideak zarete. Maddalen, gaur Eñauti tokatzen zitzaion afaria prestatzea. Gustatzen ez zaizula badakien arren, berriro ere patata tortilla tipularekin egin du.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2022-10-08 Donostia Txapelketa [Bertsoa] / Maddalen Arzallus, Eñaut Martikorena Lizaso

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

M. Arzallus
Um! Patata tortilla
nolako suertea!
Sukaldaria dugu
ona ta fuertea
tipula jarri duzu
ai Eñaut maitea
nahi al zenuen berriz
negar egitea? (bis)

E. Martikorena
Hau ez da Juantxokoen
etxera zerbitzu
iya hogeita hamar eta
tipularen izu
adintxoa daukazu
ta zer darabilzu?
Denetik jan behar da
hoi´re ez al dakizu? (bis)

M. Arzallus
Oso lotsagabea
da gure mutila
eta ez da geratzen
gainera isila
denetik jan behar da
bai mutil abila
eta ez egunero
patata tortilla! (bis)

E. Martikorena
Hara barreek neregan
nolako itzala
prestatzen det onena
banintza bezala
euskal kulturan honek
esan nahi du hala:
ilargira ta bueltan
maite zaitudala. (bis)

M. Arzallus
Eta orain bota dit
sekulako lora
tira egin behar dut
orduan aproba
tortilla ekarri zazu
platera ondora
bai bihar gosaltzeko
ona egongo da. (bis)

E. Martikorena
Pisukide latza naiz
kontu nabaria
sukaldean denetan
hain trebe aria
neri gaur tokatua
gaurko afaria
gainera inda dezu
bihar gosaria. (bis)