Bertsoak - Fitxa ikusi Atal honi buruz gehiago jakiteko
2022-10-08 Donostia Txapelketa [Bertsoa] / Beñat Iguaran, Eñaut Martikorena Lizaso
| Bertsoa entzun |
2022-10-08 Donostia Txapelketa [Bertsoa] / Beñat Iguaran, Eñaut Martikorena Lizaso
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
B. Iguaran
Hontaz hitz egin degu
tarteka-tarteka
ta orain etorri zera
irrikaz beteta
nik sortu, sor nezake
eta eman buelta
baino ekarriko dizu
ziur desoreka
whatsappak erantzuten
ez dakizu eta.
E. Martikorena
Nahiz ta teknologian
ni ez nabarmendu
daukadan akats hori
nahi nuke zuzendu
nolabaitean beldur
hoyek danak kendu
ligoteo kontuan
ze entretenimendu!
Zui baliyo bazizun
latz funtzionatzen du!
B. Iguaran
Oso politta ez naiz
attonan antzera
kalabazakin sarri
joana etxera
baina ez nuen uste
hontara heltzera
ligatuz ibili nahi
aurrera-atzera
baino nola izate’ zan
go’atze’ al zera?
E. Martikorena
Nahiz kimikarik gabe
ez asko zurrundu
oraindik gogoz ez naiz
geyegi urrundu
ta ez ditut nahi ametsak
alperrik lurrundu
denbo gutxi daukat ja
laster agur mundu!
Attonak behar du ta
mesedez lagundu.
B. Iguaran
Attonak eskatuta
ondotik horrela
jakizu saiakera
bat izango dela
Tinder jarriko dizut
nahi dezun bezela
ta iruditzen bazaizu
kristoren pastela
First Dates-era joan
zintezke bestela.
E. Martikorena
Ez hor ikusiko nau
oso’ik familiak
nik ezkutuan bildu
nahi ditut liliak
bukaera izan dezan
nere bijiliak
berriz ere sentitu
nik kili-kiliak
hemen guztitakuak
baitira filiak.
Cuatro Espainiako telebista kateko saioa.
Datu-base honetan eskainitako informazioari buruz jakiteko, kontsultatu lege oharra