Bertsoak - Fitxa ikusi Atal honi buruz gehiago jakiteko
2022-10-22 Elizondo Txapelketa [Bertsoa] / Unai Agirre Goia, Alaia Martin
| Bertsoa entzun |
2022-10-22 Elizondo Txapelketa [Bertsoa] / Unai Agirre Goia, Alaia Martin
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Martin: Hainbeste daude eta
non hasi ez dakit
U. Agirre: horretan esplikatzen
ezin lagundu nik
A. Martin: normalean hasten naiz
kafe makinatik
U. Agirre: hori non dagon ere
ez dakit oraindik.
U. Agirre: Zuk indarra behar dezu
nik abiadura
A. Martin: aulkian eserita
nago ni gustura
U. Agirre: bijilatzen dituzu
hau, hori ta hura
A. Martin: guk osatuko dugu
alperrenen kluba.
A. Martin: Denak ari baitira
gaizki begiratzen
U. Agirre: gu ikusi orduko
burua jiratzen
A. Martin: eliptikan ari naiz
ia deliratzen
U. Agirre: nik hola egotia
ez det desiratzen.
U. Agirre: Medikuak esan dit
etorri nadila
A. Martin: eta ni laguntzaile
gertuko, abila
U. Agirre: Alaia, etorri zera
baina zeren bila?
A. Martin: Bizikletak ez al du
hautsita gurpila?
A. Martin: Eman ta eman eta
ez doa aurrera
U. Agirre: orduan bertan lasai
geratuko gera.
A. Martin: Tourmaletean egin
nahi nuen karrera
U. Agirre: hementxe aritzea
aukeran hobe da.
U. Agirre: Kilometro askokoa
baita Tourmaleta
A. Martin: eta nahiko baldarra
dugu bizikleta
U. Agirre: beste hori ez al dago
muskuluz beteta?
A. Martin: Nik ere asko dauzkat
bai, baina gordeta.
A. Martin: Nik askoz nahiago dut
niregan fitnessa
U. Agirre: muskuluak bilatzen
ez dezu erreza
A. Martin: hargatik egingo dut
dozena bat pesa
U. Agirre: iya nun kristo dauzkan
esplikatu beza.
U. Agirre: Gordian Unaik dauzka
zuk dituzu bistan
A. Martin: aurki aterako naiz
igual telebistan
U. Agirre: korrika egiten du
hori bai, tximistan
A. Martin: lehenengo izango naiz
karrera ziklistan.
Datu-base honetan eskainitako informazioari buruz jakiteko, kontsultatu lege oharra