Bertsoak - Fitxa ikusi Atal honi buruz gehiago jakiteko
2022-12-18 Iruñea Txapelketa 11:00 [Bertsoa] / Nerea Ibarzabal, Aitor Mendiluze
| Bertsoa entzun |
2022-12-18 Iruñea Txapelketa 11:00 [Bertsoa] / Nerea Ibarzabal, Aitor Mendiluze
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Mendiluze
Zenbait minbizi nola sendatu
ikerketa eta tesi
asko egin degu baina dirua
gero joaten da ihesi
gizartearen ardura hontatik
behar genuke berezi
ez duelako zaintzen ez duen
ikerlaririk merezi.
N. Ibarzabal
Agintariek egiten dute
diru-laguntzekin burla
ez zaie inporta esperimentu
lanketa edo formula
baina honetan nik ikasi dut
ta ez da ahaztu behar sekula
ustez denean agertzen dela
itxaropen molekula.
A. Mendiluze
Molekula hau noiz agertuko
gu zain gaude aspaldian
materialak birziklatuak
gure laborategian
hori bai, batzuk, ta gutxi batzuk
gaixotuz gero agian
kanpora joango dira presaka
abiadura handian.
N. Ibarzabal
Dirua beti beste norabait
arrazoi duzu horretan
bai porlanezko, bai kristalezko
hiriburuko dorreetan
baina iritsi egin daitezke
trenean zein bizikletan
zientzialari denon lana da
jarraitzea bilaketan.
A. Mendiluze
Gu bilaketan gabiltza baina
esklabutzatik gertuen
eta ikusi Osakidetzak
nola tratatzen gaituen
trena ez bada beste obra bat
horrek agintzen du hemen
gizarte batek jakin behar luke
lehentasuna non duen.
N. Ibarzabal
Gizarte batek bereiz dezake
onean edo gaizkian
baina azkenean beti ez al gaude
kudeaketen azpian?
Eta zeozer lortu ezkero
txispa bat argi izpian
guk ez diegu leku egingo
azkenengo argazkian.
Datu-base honetan eskainitako informazioari buruz jakiteko, kontsultatu lege oharra