Bertsoak - Fitxa ikusi Atal honi buruz gehiago jakiteko
2022-12-18 Iruñea Txapelketa 11:00 [Bertsoa] / Sustrai Colina, Beñat Gaztelumendi
| Bertsoa entzun |
2022-12-18 Iruñea Txapelketa 11:00 [Bertsoa] / Sustrai Colina, Beñat Gaztelumendi
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
S. Colina
Institutoan ispilu hautsi bat
ipinirik parez pare
berriz osatu ala txikitu
beharrean ez al gaude?
Jokatu ezean sentitzen bainaiz
izu, dena ansiedade
igual apustu egin behar dut
neure buruaren alde.
B. Gaztelumendi
Ez zaite pasa ederki asko
joan zaigu udazkena
Mundiala ta bertsolariak
a zer nolako eskema!
Niretzako zen astean behingo
aisialdiko eztena
gaixotasuntzat ez zazu hartu
jolas bat baino ez dena.
S. Colina
Gu amildegi ertzean goaz
ta irrist egingo bagendu
ez litzateke zaila asmatzen
oreka nola mantendu
nahiz eta aitak esaten didan
“Makina aurretik kendu”
ordea, berak kiniela egin ta
loteria erosten du.
B. Gaztelumendi
Eta tarteka asmatzea’re
tokatu izan da, benga!
Ez zazu pentsa begi parean
nik daramadanik benda
hango Codere ta horko Retan
ikasia daukat senda
nire aita ere lanetik bueltan
egunero pasatzen da.
S. Colina
Nahiz gurasoak ibiltzen diren
apustu egiten gaurik gau
nere baitara har bat sartu da
eta dena jaten dirau
ez dut ulertzen nola heldu zaidan
hitzaldia entzun arau
irabazteko dena izanda
dena galtzeko beldur hau.
B. Gaztelumendi
Baina begira ipini zaitez
zure barru ta inguru
klima erotzen ari omen da
ta gerran zenbat apuru
karrera bueltan langabezia
tokatuko da seguru.
Sustrai bizitzan nozbait zeozer
irabazi beharko dugu.
Datu-base honetan eskainitako informazioari buruz jakiteko, kontsultatu lege oharra