Bertsoak - Fitxa ikusi Atal honi buruz gehiago jakiteko
2022-12-18 Iruñea Txapelketa 11:00 [Bertsoa] / Aitor Mendiluze
| Bertsoa entzun |
2022-12-18 Iruñea Txapelketa 11:00 [Bertsoa] / Aitor Mendiluze
Neurria:
Hamabikoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
A. Mendiluze
Nik hamabost urte aurten
bertsolaritza ematen
gelatara eramaten
a ze suertea daukaten!
Baina ikasle bat, neskatila bat
ez da eroso izaten.
Berak badaki ta nik badakit
noraino egin dezakeen.
Halere beti behera begira
barne borroka jasaten
beti onena pentsatzen du ta
ez du sekula esaten! (bis)
Sekula ez dago lasai
konplejuak ditu etsai
nik badakit badela gai
esan nahi diot baina ai!
Besteak hasten dira kantari
eta orduan berak jai
bere barruan bertsoak dauzka
baina beste mila ezbai
ondoan harro okerragoak
“Gu bai ausart eta gu guay”
nik tira egin nahiko nioke
baina ez det behartu nahi. (bis)
Gaur pentsatu det “Akabo!”
konbentzituta zeharo
ta hasi baino lehenago
esan diot: “Hemen nago
zuk erabaki, baina duzuna
botaz gero nik nahiago
ez baitaukazu une triste hau
zertan bakarrik igaro”.
Ausartu egin da, bota egin du
orain irrifartsu dago
baita ni ere ta esan nahi du
hark uste baino gehiago. (bis)
Datu-base honetan eskainitako informazioari buruz jakiteko, kontsultatu lege oharra