Bertsoak - Fitxa ikusi Atal honi buruz gehiago jakiteko
2022-12-18 Iruñea Txapelketa 17:00 [Bertsoa] / Nerea Ibarzabal, Maialen Lujanbio
| Bertsoa entzun |
2022-12-18 Iruñea Txapelketa 17:00 [Bertsoa] / Nerea Ibarzabal, Maialen Lujanbio
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
N. Ibarzabal
Itzaltzuko bazterrak
nahiz ederrez blaitu
ez ote da geroa
betiko amaitu?
Zuk ere nahiko duzu
lanerantz jarraitu
gazteak ere indar
nabaria baitu
zu ere hiriburuak
eramango zaitu.
M. Lujanbio
Jendea etortzen da
hartzera atseden
baina bizi izateko
Itzaltzu aspermen
anbulategirik ez
hamaika hasperen
eskolara Iruñera
pentsa ‘zazu zer den!
Ni egoskorkeriak
mantentzen nau hemen.
N. Ibarzabal
Baina egin beharko da
gero nonbaiten lan
ta festa giroan ta
hamaika harreman
eraikitzen izango
duzu hainbeste lan
nahiz egoskorkeria
badagon zuregan
azkenean beharrak
baietz zu eraman.
M. Lujanbio
Ez al zaitu lasaitzen
berrizko ezetzak?
Itzaltzun daude guztiz
dauzkadan ametsak
biziberritu behar
ditut teila beltzak
bihurtu ez daitezen
gure herri ertzak
aborigenen postal
turismoarentzat.
N. Ibarzabal
Onddo bila etorri
ohi dira ugari
horrenbeste turista
izaki herrari
baina amona honek
entzun zaitu adi
pozik nago ta segi
ari eta ari
beste esanahi bat eman
guztion lurrari.
M. Lujanbio
Nahiz lurra daramaten
ia galzorira
bateko kutsadura
besteko Covida
jende hiritarrak ere
kontua hori da
baietz bueltan etorri
gu gauden tokira
bizitzan nun dagoen
ohartuko dira.
Datu-base honetan eskainitako informazioari buruz jakiteko, kontsultatu lege oharra