2022-05-13 Senpere Jaialdia [Bertsoa] / Haira Aizpurua Ibargarai, Kerman Diaz

Zu, Haira, beti pozik egoten den pertsona horietako bat zara, edalontzia erdi beteta ikusten duzu beti, biziari irri egiten diozu. Zu, aldiz, Kerman, basoa erdi hutsik ikusteaz gain, negatiboa zara beti. Bikotea zarete, eta zuen alabak berriro ere platera hautsi du afarian.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2022-05-13 Senpere Jaialdia [Bertsoa] / Haira Aizpurua Ibargarai, Kerman Diaz

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

K. Diaz
Biak elkartu ditu plater eta zoru
edozer hautsiko du honek orduz ordu
bazkariro berdina a ze bizimodu
martxa honetan etxe dena hautsiko du. (bis)

H. Aizpurua
Zurekin haserrearen usaina dario
poza izaten duzu beti arerio
baina ez zaite eman biziki serio
Ikeakoak dira, ez dira kario. (bis)

K. Diaz
Halere apurtu du egia ote da?
Zer ote hurrengoa gaur bada platera?
Ikea aipatu du kaguen la ospera!
Baionara joan behar da hori erostera. (bis)

H. Aizpurua
Armairuan badira platera hoiek zazpi
haraino joan beharra zuk duzu aitzaki.
Ni pozik, zu haserre ta berak badaki…
Gu ere ez al gira bi platera zati? (bis)

K. Diaz
Hori ez dut ulertu ongi beharbada
nire haserrea ta hor gure algara.
Gaizki hezi dugu ta gure errua da
hemen hautsia dena da gure alaba. (bis)

H. Aizpurua
Zuk gaizki ikusita, nik berritz hobeto
gure alaba duzu sartua tarteko.
Hautsia da baina ez da horixe kalteko
platera bat guttio baita garbitzeko. (bis)

K. Diaz
Platerak hor dabiltza zirti eta zarta
alferrentzako dugu gauza bat aparta
baina hobe dugu utzi hori pixkanaka
bihar ere berdina gertatuko da ta. (bis)

H. Aizpurua
Txarra begiratuta zuk duzu desira
baina hola ez zira joanen urrutira
marmarka eta kexu beti Kerman zira
haurra orain zugatik negarrez hasi da. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko