Bertsoak - Fitxa ikusi Atal honi buruz gehiago jakiteko
2022-05-14 Bilbo Jaialdia [Bertsoa] / Amets Arzallus, Unai Iturriaga
Bertsoa entzun |
2022-05-14 Bilbo Jaialdia [Bertsoa] / Amets Arzallus, Unai Iturriaga
Neurria:
Bederatzikoa, handiaren moldekoa, 6 puntuz (hg) / Sei puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
U. Iturriaga
Unai Pegasus* detektibe mundiala
jakizu Amets nire txostena
erdi eginda dudala
Maialen dabil fuerte
Sustrai argal ta tente
pentsatua zen bezala
baina momentuz notizia da
Jon Maia ez dijoala. (bis)
A. Arzallus
Maialen bizi osoan zehar
hain da zizelkari fina!
Sustrairen planta azken hogei bat
urteotan da berdina
ta ez doala Jon Maia
Twitterren dabil gaia
hau detektibe sorgina!
Bi miloi euro ta jakiteko
mundu guziak dakina. (bis)
U. Iturriaga
Xehetasunak ematen ditut
baina bigarren partean
entzuna daukat Bartra dauela
egundoko aldartean
fuerte ere Alaia
Iguaranen dohaia
entrenatzen da parkean
ta Mendiluze sartuta dago
inbernadero batean. (bis)
A. Arzallus
Tira, informe dexente batzuk
lortu ditut azkenean
Bartra, Iguaran eta Alaia
ta Aitor aldamenean
inbernaderotara
joan da Almeriara
bere budista senean
Pegasus sartu behar zenuke
bere burmuin barrenean. (bis)
U. Iturriaga
Ez dut pentsatzen Mendiluzekin
luzatuko denik gerla
zure mailara ez da iristen
bertsolarien tropela
zalantza dago ezen
pentsatu bazoazen
kontua dago horrela
entzunda baitut Enrique Mayak
janzten duela txapela. (bis)
A. Arzallus
Rajoyri haur batek eman zizkion
lau belarrondoko bero
nik ere berdin egin nezake
hara iritsi ezkero
baina ze detektibe?
Hobe nuke bai bide
James Bond baneuka bezero
baina hura zero, zero, zazpi zen
ta zu berriz zazpi zero. (bis)
*Pegasus: espiotza programa informatikoa
Datu-base honetan eskainitako informazioari buruz jakiteko, kontsultatu lege oharra