Bertsoak - Fitxa ikusi   Atal honi buruz gehiago jakiteko

2022-08-27 Hondarribia Jaialdia [Bertsoa] / Jon Maia, Eli Pagola

Bertsoa entzun  

Informazio orokorra

Kategoria
Bat-batekoa
Saioa
2022-08-27 Hondarribia Jaialdia
Gai-jartzailea
Aizpurua, Karlos
Bertsolariak / Egileak
Maia, Jon
Pagola, Eli
Lana
Binaka gaia-emanda
Jarritako gaia
Jon aita eta Eli alaba. Jon EH Bilduko zinegotzia da herrian. Jon, etxerako bidean “Bildu kapitalista” dioen pintada ikusi duk, gorriz idatzita. Etxera sartu orduko bi esprai poto gorri ikusi dituk sukaldeko mahaian eta Eli alaba eskuak garbitzen.

Deskribapena

Doinua
Kantatzera nijoa
Neurria / Estrofaren izena
Zortziko txikia (hg) / Lau puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2022-08-27 Hondarribia Jaialdia [Bertsoa] / Jon Maia, Eli Pagola

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

J. Maia
Gazte eta rebelde
topera zaude zu
zure aldarrikapen
eta zure mezu
nahiz metafora gisa
uler dezakezu
aita hiltzearena
estu hartu dezu. (bis)

E. Pagola
Beraz halako traza
zer hartu didazun
kritika politiko
pixka´t gehiago zun
ondo dakizu nahiz ta
ez dezun nahi entzun
eskuak garbiegi
ez ote dituzun. (bis)

J. Maia
Militatzen pasa dut
bizitza erdi edo8
altabozak boikota
astero-astero
orain eskuak garbi
dudala ze kredo
garbiak dauzkat baina
zikindu ta gero. (bis)

E. Pagola
Erabili jaboia
erabili ura
udaletxean sartu
botoen kontura
militantzia zer zen
sartu dezu duda
ez zera uste dezun
militante hura. (bis)

J. Maia
Ba bai hainbeste mezu
dabiltza haizean
ez naizela lehengoa
onartu ezean
nigatik segi hola
daukazun klasean
ze rebeldea zeran
aitaren etxean. (bis)

E. Pagola
Kalean gabiltza ta
ez aldatu gaia
gure idealetan
nahi degunak saia
ta zuk berriz kritika
borratzeko nahia…
Ez al diozu hartzen
zentsura usaia? (bis)

J. Maia
Aita harro daukazu
zure mitinean
zu hor zabiltz borrokan
bai ta azken finean
zabiltza ni nenbilen
bide berdinean
baina ea non zauden
nere adinean! (bis)

Eli Pagola
Falta direnez gero
hainbat hamarkada
kontuari erantsi
nahi diot patxada
neretzako bezala
zuretzako hara
eroso ez bazaude
seinale ona da. (bis)

*Kantatua ez ezik kantatuaren oihartzuna entzun zen bozgorailutik.

Datu-base honetan eskainitako informazioari buruz jakiteko, kontsultatu lege oharra