Karlos Aizpurua

Biografiak - Fitxa ikusi Atal honi buruz gehiago jakiteko

Datu pertsonalak

Izena: Aizpurua, Karlos
Izen abizen osoak: Aizpurua Etxarte, Karlos
Jaiotza: 1971 Oiartzun + Oiartzun < Oarsoaldea < Gipuzkoa < Euskal Herria

Bertsolaritzan

Jarduerak

Bertso irakaslea

Bertsolaria

Eragilea

Gai-jartzailea

Jarduerei buruzko azalpenak

Antolatzailea:
Oiartzungo Bertso Astea (1989-2002) / Lexoti jaialdia (1989-1997) / Oiartzungo auzoetako hainbat saio / 1997ko Txapelketa Nagusia/ Bilintx saria / Bilintxo saria / Bertso Udalekuak (1998-2002) / Iparraldeko Eskolarteko Bertsolari Txapelketa (1998-2010) / Iparraldeko Bertsolari Gazteen Topaketak (2000-...) / Bertsolariak Ikastolarat proiektua; urtero gazteen 20 saio baino gehiago hainbeste ikastetxeetan (1998-2010)

Bertso-eskola sortzaile:
Oiartzungo Udal bertso eskola (1993) / Intxaurrondo (1991) / Ziburu (1999) / Hendaia 2 (1999), Kanbo (1999) / Uztaritze (2000) / Hazparne (2000) / Donibane-Lohizune (1999) / Donaixti (2001) / Baionako Oihana (1999) / Biriatu (2001) / Donibane-Garazi (2002) / Sohüta (2003) / Baionako Lizeoa (2005) Sara (2013)

Bertso-eskolako irakaslea:
Oiartzungo Haurtzaro (1989-1997) / Oiartzungo Udal bertso-eskola (1993-1997) / Oreretako Xenpelar (1991-1995) (haurrak eta helduak) / Intxaurrondo (1991-1994) / Hondarribia (1993-1997) (helduak) / Urnieta (1992-1993) / Irungo Txingudi (1992-1993) / Hendaia 1 eta 2 (1998-2002) / Baionako Biltxoko (helduak) (1998-2002) / Ziburu (2001-2005) / Kanbo (1999-2010) / Uztaritze (2000-2010) / Hazparne (2000-2010) / Donibane Lohizune (1999-2001) / Donaixti (2001-2002) / Baionako Oihana (1999-2010) / Biriatu (2001-2002) / Sohüta (2003-2008) / Sara (2013-2018).
30 orduko bertsogintzari buruzko ikastaro bereziak eman izan die bertsolari helduei: Orioko, Oiartzungo eta Lasarteko bertso eskolakoei, Nafarroako bertsolariei, Ipar Euskal Herrikoei…

Bertso-hautatzaile: Hitzetik Hortzera 1993-1994 erredaktore; Gipuzkoako Txapelketa 1995 (bideoa)

Bertso-inkestatzaile: Bertsozaletasunari buruzko Ikerketa Soziologikoa 1991-93

Bertsolaria: Euskal Herriko Eskolarteko finalista izan zen 1989an. Oarsoaldeko plazetan aritu zen, 20 urtetan utzi zuen arte. Hala ere, Oiartzungo Bertso Asteko taldekako txapelketetan parte hartu zuen, baita herriko Amazkar ostatukoan ere. Aspaldi plazan aritu gabe egon ondoren 2008an parte hartu zuen Iparraldeko lehendabiziko bertsolari txapelketan (finalista).

Bertso-transkribatzaile: Gipuzkoako eta Euskal Herriko eskolarteko txapelketetako zenbait final (1993-1997 tartean) (Iparraldeko Eskolarteko Txapelketa 1999-2010)

Bertso-udalekuetako antolatzaile eta begirale: Hazparne (1998); Duzunaritze (1999); Arbona (2000); Ligi-Atherey (2001) Bizikletaz egindako ibiltaria (2002), Duzunaritze (2002)

Epaile: Gipuzkoako Herriarteko Txapelketa 1999; Orixe saria 2001; Txapelketa Nagusi 2001erako epaitzeko irizpideen txostena osatzeko sortu zen batzordeko partaide.

Gai-jartzaile: hainbat bertso saiotan.

Bertsolaritza kazetari: Gara (1999-2000); BertsoZalea BEko berripapera (5-20 aleak), Euskaldunon Egunkaria bertsogintzari buruzko analisia egile (2001 Txapelketa Nagusian), Berriako Bertsolaritzari buruzko bi orrien arduradun (2005), Euskadi Irratian saioen analista (2001, 2005 eta 2009eko Txapelketa Nagusiak)

Sariketa sortzaile: Donostiako Bilintx Saria / Donostiako Bilintxo saria
Testu-liburu egile: Iparraldeko ikastetxeetan lantzeko bertsolaritza ikasmaterialaren prestatzaile: doinutegia eta 3 mailetako eskuliburua. Bertsolaritzaren Curriculuma (2008) sortu zuen taldeko kide.

Datu biografikoak

Biografia: Enpresaritza eta Euskal Filologia ikasketak eginak ditu. Egun Bertsozale Elkarteko ikerkuntza eragilea da. 11 urterekin eman zuen izena Haurtzaro bertso eskolan, Antton Kazabonek bultzatuta. 18 urterekin Oarsoaldeko hainbat bertso eskolatan hasi zen irakasle moduan. Oiartzungo Bertso Astea antolatzen zein Bertsozale Elkarteko batzordeetan aritu zen borondatezko gisa. Hitzetik Hortzerako erredaktore aritu zen bi urtez, baita 1997ko Bertsolari Txapelketa Nagusiko sustapen eragile bezala ere. Euskaldunon Egunkaria, Gara eta Euskadi Irratia hedabideetan aritu da txapelketetako bertsogintzaren berri ematen. Bertsozale Elkarteko Transmisioko plan estrategikoa diseinatu zuen. 2008ko Ipar Euskal Herriko Bertsolari Txapelketako finalean kantatu zuen.
1998an Hazparneko lehen bertso udalekuan begirale bezala aritu eta gero, Ipar Euskal Herrian hasi zen bertsolaritza irakasle gisa, kostaldeko ikastola batzuetan eta Hendaiako bertso eskolan. Urte batzuk lehenago bertan behera gelditu zen Hendaiako bertso eskola, baina 1998-99 ikasturte hasieran taldea osatzea lortu zen (Amets Arzallus, Sustrai Colina, Miren Artetxe eta Xumai Murua). Lehen ikasturtean kostaldeko ikastoletan egin lanak bertso eskola berriak eman zituen eta horietan ere irakasle aritu zen. Hortik etorriko ziren bertsolari gazte berriak: Patxi Iriart, Mizel Mateo, Maddalen Arzallus, Odei Barroso… Hurrengo urteetan egitasmoa Ipar Euskal Herri osora zabaldu, eta barnealdean ere aritu zen irakasle bezala ikastola eta bertso eskoletan. Bertsolari gazte gehiago sortzearekin batera, egitasmo berriak abiarazi zituen: Iparraldeko Eskolarteko Txapelketa, bertso eskolen topaketa, bertsolari gazteen saioen zirkuitua ikastetxeetan, bertso udalekuetako txanda gehiago,… Egitasmoa Ipar Euskal Herri osoan errotu eta sendotu ondoren, 2010ean utzi zion Iparraldeko irakasle eta eragiletza lanari. Hala ere, geroztik bertsogintzan trebatzeko ikastaldi trinkoak eman ditu, baita seme-alabei bertso eskola ere etxean.

Bertsolaritzan lehen pausuak

Lehen plaza: Bertsolari: Donostian, 1982an Añorgako zineman, Gipuzkoako Eskolarteko Txapelketan. Kantu lagunak: Itziar Elizondo, Aitziber Arnaiz, Iñaki Pikabea eta Eneko Apaolaza.
Gai-emaile: 1990an bertso eskolako ikasleekin Haurtzaro ikastolako Lexoti jaialdian.
Epaile: Gipuzkoako Herriarteko Txapelketan, Xenpelar sarian, …
Antolatzaile: 1989ko Oiartzungo Bertso Astea