Bertsoak - Fitxa ikusi   Atal honi buruz gehiago jakiteko

2022-09-08 Bermeo Jaialdia [Bertsoa] / Beñat Gaztelumendi

Bertsoa entzun  

Informazio orokorra

Kategoria
Bat-batekoa
Saioa
2022-09-08 Bermeo Jaialdia
Gai-jartzailea
Garatxena, Leire
Bertsolariak / Egileak
Gaztelumendi, Beñat
Lana
Bakarka gaia-emanda
Jarritako gaia
Esaten dute arrantzaleentzat bi mundu existitzen direla. Lurra eta itsasoa. Itsasoa gogorra baina aldi berean harrapatzen omen du. Izan ere, itsasoarekin lotura handia izan dugu euskaldunok. Beñat arrantzalea izan zara eta duela hilabete jubilatu egin zara. Hala ere goizero jagi eta itsasora jotzen duzu. Zer ematen dizu itsasoak?

Deskribapena

Doinua
Amodioa gauza tristea
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2022-09-08 Bermeo Jaialdia [Bertsoa] / Beñat Gaztelumendi

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Nik bizitzaren erdia baino
gehiago dut igaroa
goizeko nere paseotxoa
arratsaldeko tragoa
lehorra hain da toki neurtua
mugatua, arraroa
ta promesa bat begiradetan
beti itsasora doa
beste mundu bat badagoela
hau baino zabalagoa.

Arrantzalea zen nire aita
ta saregilea ama
ta aurrekoek ere halaxe
ateratzen zuten lana
famili dena horra lotua
mende luzeetan barna
ta begiradak olatutara
horizontera narama
mareak beti gerturatzen nau
izan ziren hoiengana.

Gaur esaten da gutxik dutela
arrantza mundutik jaten
laguntza gutxi izaten dela
halaxe dute esaten
herri hau hara lotua egon zen
historia oso baten
behar duenak asma dezala
behar duena ematen
gerora ere jarrai dezagun
izan ginena izaten.

Datu-base honetan eskainitako informazioari buruz jakiteko, kontsultatu lege oharra