Bertsoak - Fitxa ikusi Atal honi buruz gehiago jakiteko
2023-11-11 Berriz Txapelketa [Bertsoa] / Aitor Etxebarriazarraga, Xabat Galletebeitia
| Bertsoa entzun |
2023-11-11 Berriz Txapelketa [Bertsoa] / Aitor Etxebarriazarraga, Xabat Galletebeitia
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
X. Galletebeitia
Derion ikasi genuen biok
Jaungoikoari jarraitzen
gero bizitza igaro dugu
isiltasuna epaitzen
umezaroa behin izan arren
sekula ez da amaitzen
egin beharko genuke baina
ez dakit kapaza naizen (bis)
A. Etxebarriazarraga
Zigor ugari jaso genduzan
kristau fedea bitarte
seminarioko laztan bakoitza
bihurtuz gure etarte
geure antzera jende ugari da
zerrenda bardinan parte
eta ez dozu jakingo behintzat
probatzera joan arte (bis)
X. Galletebeitia
Lehen ere ilun egin zitzaigun
barrutiaren ordena
eta ez dakit publikatzea
izan daitekeen onena
abade asko jada hilda daude
zain dute zeru gorena
guk behin ta berriz bizi beharra
ezarritako kondena (bis)
A. Etxebarriazarraga
Bardin Derio, bardin La Salle
edo Ama Guadalupe
bardin pasatu izan da eta
dan-danetan urtez urte
elkar begitu ta partekatzen
dogu min bardina geuk be
zalantza daben pertsona oro
gugana batu nahi neuke (bis)
X. Galletebeitia
Behintzat sendotu ditugu biok
elkarren andamioak
infernuaren ta zeruaren
arteko binomioak
jendarteari esan aurretik
nire ai insomnioak
lehenik baretu behar nituzke
barruko demonioak (bis)
A. Etxebarriazarraga
Neuk be barruan dodaz oraindik
mila epai eta juzku
baina zergatik ez dozu egiten
hau gorpuzteko apustu?
Nahiz eta diren kristau eskolak
azken urteotan hustu
behintzat sufridu gendun danori
mina arinduko deusku (bis)
Datu-base honetan eskainitako informazioari buruz jakiteko, kontsultatu lege oharra