Bertsoak - Fitxa ikusi   Atal honi buruz gehiago jakiteko

2023-06-09 Itsasondo Jaialdia [Bertsoa] / Nerea Ibarzabal

Bertsoa entzun  

Informazio orokorra

Kategoria
Bat-batekoa
Saioa
2023-06-09 Itsasondo Jaialdia
Gai-jartzailea
Agirre, Amaia
Bertsolariak / Egileak
Ibarzabal, Nerea
Lana
Bakarka gaia-emanda
Jarritako gaia
[Musika eta kantu bat entzuten da: Eustakio Mendizabal Txikia aipatzen da bertan] Herri honetako semea zen Txikia eta Algortan hil zuten tiroz duela 50 urte. Itsasondon omenaldia egin zioten. Garai berrietara egokitutako naziogintza bultzatzea zuten, eta dute, helburu. Nerea, zu beste belaunaldi batekoa zara, gaztetxoa zinen ETAk su-etena iragarri zuenean. Txikiari buruzko zerbait kanta honengatik jakingo zenuen beharbada... Nazio ikuspegiaren herentzia, nola jaso duzu? Nola bizi izan duzu?

Deskribapena

Doinua
Arratsalde on eta muxu bat
Neurria / Estrofaren izena
Hamabiko handia (hg) / Sei puntuko handia (ip)

Edukiari buruz

Pertsonak
Mendizabal, Eustakio "Txikia"

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2023-06-09 Itsasondo Jaialdia [Bertsoa] / Nerea Ibarzabal

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

Esaten dute beti gaudela
iraganakin zorretan
baina oraindik bizikidetza
bat badaukagu obretan
galdetzen nuen ta entzuten nuen
ta argazkiak hormetan
baina askotan guztiak mutu
ta gaia eten hor bertan
kantua entzun ta pentsatzen dut
letran horrelakoetan
heien izenik ez zela abestu
gaur egungo ikastoletan. (bis)

Ta pixkanaka joaten zara
zeure usaimena fintzen
ta irakurtzen eta ikasten
aspaldiko zenbait izen
batzuk ukatu arren borroka
oso aspaldi hasi zen
eta minaren kurpil zoroa
ez denez inoiz gelditzen
asko dabiltza izenok kentzen
ta argazkiak erdibitzen
urte mordo bat pasatu dute
ahanztura transmititzen. (bis)

Ta aldizkako eztabaidetan
hori ikusten da klaru
sarri ardatza beste norantzan
sakatzen martxan dihardu
eta Ertzaintzak hartu dezake
Txabin argazkiaz kargu
min batzuk beti dira publiko
ta beste min batzuk tabu
memoria bat merezi dugu
ta korapilo bat badu
partekatua nahi genuen ta
zatikatua daukagu. (bis)

Datu-base honetan eskainitako informazioari buruz jakiteko, kontsultatu lege oharra