BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Osinalde Saria (51. 2023. Gabiria)

Saioa

2023-04-15 Gabiria Sariketa

Gai-emailea

Etxezarreta, Ane

Bertsolariak / Egileak

Alcantarilla, Irati

Arana, Oihana

Lana

Binaka gaia-emanda

Jarritako gaia

Arana, bikotearekin goxo-goxo zaude herriko parkean. Momenturik onenean, Alcantarilla udal langilea etorri da haize makinarekin eta hor dabil zuen ingurutik alde egin gabe.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2023-04-15 Gabiria Sariketa [Bertsoa] / Irati Alcantarilla, Oihana Arana

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

O. Arana
Ez pentsatu dudanik
sekulako pena
gure beroaldia
baitzen nabarmena
pena ez emateko
kaleetan barrena
haize freskoa zen juxtu
behar genuena. (bis)

I. Alcantarilla
Maitemindu direla
gainera betiko
eta aulki batean
ai! Malkotan ito
muxu ta muxu hortxe
bi ordu ta piko…
Egia da ez zaizu
gaizki etorriko. (bis)

O. Arana
Hori da esan dudana
pentsatzen jarrita
eta ez naiz izango
bate’ hipokrita
enamorauta nago
badakizu txika
halakoetan dena
ohi dela polita!

I. Alcantarilla
Holako asko entzun
ditut inguruan
desagertzen direnak
lehen segunduan
haizea eukitzen da
modu seguruan
batzuek eskuan ta
besteek buruan. (bis)

O. Arana
Ez pentsa hitza denik
minen oinordeko
zoriontsu naiz orain
lehengo antzeko
ta zu etorri zarenez
lana egiteko
badugu aitzakia
etxera joateko. (bis)

I. Alcantarilla
Ni ere adin horretan
halakoa nintzan
orain ezin ibili
gaztetxoen gisan
aholku bat eman nahi
nizuke bizitzan
ahal duzun bitartean
zoriontsu izan. (bis)