Bertsoak - Fitxa ikusi Atal honi buruz gehiago jakiteko
2023-11-25 Lemoa Txapelketa [Bertsoa] / Josune Aramendi, Aissa Intxausti
| Bertsoa entzun |
2023-11-25 Lemoa Txapelketa [Bertsoa] / Josune Aramendi, Aissa Intxausti
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Intxausti
Lana, bertsoa, militantzia
baditut nahikoa dohai
ordu justuak ta hala ere
nik denera iritsi nahi
ja nekatuta nago, badakit
ez naiz honi eusteko gai
baina etxean ezer egiten
ere ezin naiz egon lasai.
J. Aramendi
Beraz, etxean egote hutsa
ez zaizu egiten errez
baina ritmo hori mantendu ahal da
bizitza honetan nekez
egon nahiean toki denetan
hortxe zabiltza zu berez
baina azkenean beti zabiltza
denean eta inon ez.
A. Intxausti
Hainbeste gauza eta ezin naiz
batean kokatu aurten
nahiz ta erreza den hor zabiltza
niri aholkuak ematen
baina hainbeste gauza egiteko
daudenez bizitza baten
faboreren bat eskatu eta
ez dakit ezetz esaten.
J. Aramendi
Gainditu behar zenuke baina
zuk faboreen fasea
ta ondo neurtu esfortzu horrek
gero dakarren atzea
neurtu itzazu zure pausuak
tokatzen da balantzea
militantziak ez du merezi
zuk osasuna galtzea.
A. Intxausti
Bai, azkenean hori guztia
nire kalteko izango da
egun guztia pasatu ohi dut
kalean behera ta gora
arrazoi duzu pausatu nahi dut
ta hartu pixka’t denbora
joango al zara zu nire partez
gaueko bertso saiora?
J. Aramendi
Joan naiteke eta errimaz
eta kantuz egin tiro
ni joango naiz hala eskatu
didazunero aldiro
baina pentsatu, arnasa hartu
ta ez betikorantza igo
ze zaintzaileak bere burua
zaintzea ahaztu du berriro.
Datu-base honetan eskainitako informazioari buruz jakiteko, kontsultatu lege oharra