BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bizkaiko Bertsolari Txapelketa (19. 2023)

Saioa

2023-11-25 Lemoa Txapelketa

Gai-emailea

Anzorandia, Idoia

Bertsolariak / Egileak

Enbeita, Onintza

Intxausti, Aissa

Lana

Binaka gaia-emanda

Jarritako gaia

Onintza, Bizkaiko Txapelketako ganbarako zaintzailea zara eta Aissa bertsolaria. Saioko beste bertsolari danek kantau dabe dagoeneko eta biok bakarrik geratu zarie ganbaran. Onintza, Aissak esan deutsu ez dauala kantetan urtengo.

Deskribapena

Doinua

Durangotik gorako

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2023-11-25 Lemoa Txapelketa [Bertsoa] / Onintza Enbeita, Aissa Intxausti

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

O. Enbeita
Hamabi kilometro
hona eta hara
ein dozuz ta pentsau dot:
“Hau da hau pasada!”
Nigatik ondo dago
nagusia zara
nahi badozu goazen
biok parrandara. (bis)

A. Intxausti
Parranda zalea ta
Onintza ezin neka
frontoia dago baina
goraino beteta
hemen ederto nago
zuk jarri arreta
jarraituko dut jaten
Sucharden tableta. (bis)

O. Enbeita
Halan da ze ez zagoz
barruz horren grabe
beldurrik ba al dago
hemen parez pare?
Akaso joan behar zeunke
suabe-suabe
txalo eingo deutsue
txarto kantauta be. (bis)

A. Intxausti
Nahiz eta txaloei
ezin egin uko
hoien artean ni naiz
oholtzako bulto
erabili ditzaket
horrenbeste truko
azkena naiz ta inor
ez da ohartuko. (bis)

O. Enbeita
Zure gaztetasuna
freskura, kolore
ganbaran ez zendukez
behar orain gorde
azkena izatea
zuretzat ohore
ze besteek ez dabe
egin hain ondo be. (bis)

A. Intxausti
Zure hitzek daukate
nahiko gezur, peste
baina hemen nabil ni
animoen eske
txapelketak niri ez dit
inporta hainbeste
nire partez agian
zeu joan zaitezke. (bis)