Bertsoak - Fitxa ikusi Atal honi buruz gehiago jakiteko
2023-11-25 Lemoa Txapelketa [Bertsoa] / Ibai Amillategi, Josune Aramendi
| Bertsoa entzun |
2023-11-25 Lemoa Txapelketa [Bertsoa] / Ibai Amillategi, Josune Aramendi
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
J. Aramendi
Mendian aurkitzen dut
nik nire burua
urrun utzi damua
urrun apurua
baina biharra ez da
oso segurua
irentsi gura dugu
guztia, mundua
baina ez dugu zaintzen
geure ingurua. (bis)
I. Amillategi
Nahiz eta gaur eskertu
gazta zatituta
erantzukizuna dau
ezin leike uka
argazkiak pilo bat
albora hartuta
neu be nago aspaldi
hemen nekatuta
ikututako dana
lorrintzen dogu ta. (bis)
J. Aramendi
Gero jardun nahi dugu
lasai ta kantari
ta guztiok begira
sare sozialari
argazkiak ipini
filtroak ugari
dena hobeto joango da
seguraski argi
filtroak jarriz gero
geure buruari. (bis)
A. Intxausti
Ni neuk be hasikeran
hori esaten neban
plangintza asko ekintza
gitxi dau aukeran
uda sasoian sute
pilo bat ileran
filtroa jarri behar da
zuk dinozun eran
baina ez dakit hortako
berandu ez ete dan. (bis)
J. Aramendi
Zaila dugu ardurak
banatzen, aletzen
nola segundu baten
guztia den lehertzen
zuk zure artzain posean
ze indar, ze kemen
nahiz gauzak aldatzea
zaila egon hemen
geure ingurua hezten
saiatu gaitezen. (bis)
I. Amillategi
Esaten dira berba
potolo, handiak
baina mamurtzerako
pintxoan ogiak
azkar joaten dira
buruko argiak
behar dira ofizio
behar dira ardiak
soilik ez egoteko
korrikalariak. (bis)
Datu-base honetan eskainitako informazioari buruz jakiteko, kontsultatu lege oharra