Bertsoak - Fitxa ikusi Atal honi buruz gehiago jakiteko
2023-12-16 Bilbo Txapelketa [Bertsoa] / Onintza Enbeita, Nerea Ibarzabal
Bertsoa entzun |
2023-12-16 Bilbo Txapelketa [Bertsoa] / Onintza Enbeita, Nerea Ibarzabal
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
On. Enbeita
Erabakia hartu artean
ez nintzen bizi hain lasai
baina hartu ta gero aurrera
jarraitu dogu holan bai
irratiari adi gaur biok
geure kalte geure dohai
bihotza apur bat urtu jat baina
nire barruan ez dot nahi.
N. Ibarzabal
Uhinetatik familieri
buruz hainbeste jardute
ume dezente omen daudela
ez etxe ta ez arkupe
“Ez dugu ama izan beharrik”
Lehen hala esango nuke
baina irratiko ume horiek
guraso bat behar dute.
On. Enbeita
Ta gu bagara umeren baten
zaintzaile edota trabes
eraiki dogun bizi guztia
jausi egingo da trabes
pentsa egizu eta denbora
izango litzake juez
gure umea izango dala
nahiz eta guk erditu ez.
N. Ibarzabal
Gure umea bai erditua
edo erditu ez bagendu
etorriko da ta beharbada
hiru astetara kendu
baina begira ze etxe eta
ze bizi dugun mantendu
daukagun hori konpartitzeak
ederrago egiten du.
On. Enbeita
Gurasotasun batera orain
bideratuta jardunak
aldatu egin beharko dira
gero datozen egunak
nahiz ta batzutan larregi emon
bion arte daukagunak
gu biok ez gara ume horien
bizitzaren errudunak.
N. Ibarzabal
Mundua beti horren da krudel
ta geroz ta krudelago
baina momentuz krudeltasuna
samurtzeko prestu nago
hala ere hobe uzten badugu
ta zehaztu geroago
ume hoiek noski ez dute behar
ezegonkortasun gehiago.
Datu-base honetan eskainitako informazioari buruz jakiteko, kontsultatu lege oharra