BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bizkaiko Bertsolari Txapelketa (19. 2023)

Saioa

2023-12-16 Bilbo Txapelketa

Gai-emailea

Vidal, Beñat

Bertsolariak / Egileak

Pagonabarraga, Gorka

Uria Albizuri, Jone

Lana

Binaka gaia-emanda

Jarritako gaia

Jone eta Gorka lankideak zarie. Enpresak “luntx”-a prestatu deutsue. Jone, mahaira hurbildu zarenerako ez da pintxo bat bera be geratzen. Buelta emon eta hor ikusi dozu Gorka pintxo piloa eskuetan dekola.

Deskribapena

Doinua

Orioko balearena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2023-12-16 Bilbo Txapelketa [Bertsoa] / Gorka Pagonabarraga, Jone Uria Albizuri

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

J. Uria
Gosetuta nekarren
gaur langile sena
baina mahaia hutsik, ai
nolako eszena!
Eskutan pilatuta
hor daukazu dena
serio hartu duzu
paga extrarena. (bis)

G. Pagonabarraga
Bai, paga extrarena
gozoa hain da ze
guztia janda ere
ez nintekeen ase
janariai begire
ene ze desfase!
Zuk ezer ez, nik dena
lana bezelaxe. (bis)

J. Uria
Lana justu tamainan
beti egiten dut nik
ta hargatik ondotik
zerbait kantatu dit
halere hemen nago
erabat pozturik
ze ardo botilarako
ez duzu eskurik. (bis)

G. Pagonabarraga
Sandwicha bateko ta
Risketos besteko
den-dena hartzea zen
gaur ezinbesteko
ardo pixka bat utzi
ez ipini terko
zeozer beharko dut eta
dena irensteko. (bis)

J. Uria
Urtea egin zaigu
itxuraz luzea
ez da ederra biok
daukagun posea
alkoholismo puntu bat
ta kriston gosea
hara nola dagoen
langile klasea. (bis)

G. Pagonabarraga
Ez gabiltzala ondo
onar ‘zazu behintzat
ogi papurrak soilik
dauzkagu guretzat
baina alaitu zure
begi tarte beltzak
mahaian utzi dizkizut
sandwicharen ertzak. (bis)