BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bizkaiko Bertsolari Txapelketa (19. 2023)

Saioa

2023-12-16 Bilbo Txapelketa

Gai-emailea

Vidal, Beñat

Bertsolariak / Egileak

Ibarzabal, Nerea

Lana

Bakarka gaia-emanda

Jarritako gaia

Nerea, gaztetatik egon zara kuadrilla berean. Oso gustura egon zara beti, baina azken aldian sentitzen dozu emon behar ez dozuzan azalpenak eskatzen deutsuezala.

Deskribapena

Doinua

XILABAra jina nauzu

Neurria / Estrofaren izena

Hamabiko berdina, 6 puntuz eta 8 silabaz (hg) / Sei puntuko berdina, 16 silabaz (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2023-12-16 Bilbo Txapelketa [Bertsoa] / Nerea Ibarzabal

Neurria:  Hamabiko berdina, 6 puntuz eta 8 silabaz (hg) / Sei puntuko berdina, 16 silabaz (ip) 
Kokapena:  XDZ - Xenpelar Dokumentazio Zentroa 

---

Eskolan hasi ginenak
dena bertatik bertara
gu azkenean elkarren
formetara egin gara
irten orduko arropen
argazki bat badaezpada
eta bestela mobila
beti mahai gainean laga
zorionez beti izan naiz
nahiko txori nomada
ta lagun desberdinekin
pasa dut azken bolada
baina gaur kafera joan
ta lagunen begirada
“Berriro berandu zatoz
nortzuekin egon zara?”

Behin ibili ginelako
jolastokian olgetan
orain bizitza osoa
pasatu behar zorretan
ondo kontrolatzen naute
beraien kontrol dorreetan
janzkeran, elkarrizketan,
nora noan oporretan
batzutan utzi nahi nuke
gure harremana hor bertan
kortse bat bezain zurruna
bihurtu baitzait formetan
eta konturatu bainaiz
orain momentu honetan:
toxikotasuna ez dago
bakarrik bikoteetan.

“Zure bertso eskolako
lagunak hain dira kaiku”
Esan didate ta berriz
nire izaera epaitu
“Zeinen argazki zatarra”
ezin naiz lasai lasaitu
“Ta azken txutxu-mutxua
ez ote duzue aitu?”
Korrika irten nahi nuke
eta euripean blaitu
ta esan: “Kuadrilla zikina
haizeak erungo al zaitu”
Horrela bizitzekotan
nahiago baitut amaitu
batzen gaituenak baino
gehiago urruntzen gaitu.