Bertsoak - Fitxa ikusi Atal honi buruz gehiago jakiteko
2024-11-17 Oiartzun Txapelketa [Bertsoa] / Asier Azpiroz Iztueta, Ane Labaka Mayoz
| Bertsoa entzun |
2024-11-17 Oiartzun Txapelketa [Bertsoa] / Asier Azpiroz Iztueta, Ane Labaka Mayoz
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Azpiroz
Goizeko beatzitan
kax-kax ein dit kasu
ta aulkian eseita
parean ni ta zu
ama jartzeko esan dit
baina aizu, aizu
zerbait berezigoa
pentsatu ezazu. (bis)
A. Labaka
Tatuajeak zein du
iraungitze epe?
Goizeko beatzitan
bada nahiko neke
amaren izena hor
ta besoa bete
gero haserretzen banaiz
borra al liteke? (bis)
A. Azpiroz
Amakin haserretu
eta jarri bero
eta zalantzak sortu
zaizkizunak gero
borratu liteke bai
igual bero-bero
konpondu liteke bai
Ana jarriz gero. (bis)
A. Labaka
Nere familikoak
nolatan ez maita
beste besoan arren
zuk ez jarri aita
baina gaizki zabiltza
trazuei jarraika
hain justu nere ama
Ana deitzen baita.
A. Azpiroz
Joño hori ez nekin
hartu det sorpresan
esan dizut zeoze
pentsatu zenezan
Ana jarriko degu
hiru letra etzan
nun egin behar deten
ez didazu esan. (bis)
A. Labaka
Besoan esan dizut
nik borondatean
baina hasi zeranez
zu erreskatean
hobe det ez lotuta
horrela katean
jarri ikusten ez den
tokiren batean. (bis)
A. Azpiroz
Ba ipur masailera
nahi nuke zuzendu
aman izena jarriz
nahi dezu omendu
pultsua nahi det zuzen
ta ondo mantendu
abisatuko dizut
mina ematen du. (bis)
A. Labaka
Behin erditu nintzen ta
honek ez nau hilko
amatasunarekin
naiz nahiko kritiko
zuhaitz adarrak, zuhaitz
genealogiko
nere umeak ez du
nerea jarriko. (bis)
Datu-base honetan eskainitako informazioari buruz jakiteko, kontsultatu lege oharra