BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (12. 2024)

Saioa

2024-11-24 Zarautz Txapelketa

Gai-emailea

Zaldua, Ion

Bertsolariak / Egileak

Artetxe Eizagirre, Eneritz

Lana

Bakarka gaia-emanda

Jarritako gaia

Bolada bat pasatu duzu desintoxikazio-zentro batean. Ustez mendekotasuna gainditu duzun arren, ingurukoak mesfidati sumatzen dituzu.

Deskribapena

Doinua

Norbere mundu intimo

Neurria / Estrofaren izena

Hamabiko berdina, 6 puntuz eta 8 silabaz (hg) / Sei puntuko berdina, 16 silabaz (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2024-11-24 Zarautz Txapelketa [Bertsoa] / Eneritz Artetxe Eizagirre

Neurria:  Hamabiko berdina, 6 puntuz eta 8 silabaz (hg) / Sei puntuko berdina, 16 silabaz (ip) 
Kokapena:  XDZ - Xenpelar Dokumentazio Zentroa 

---

Hamabost-hamasei urte
ta ateraz edonora
alkoholarekin egin nun
lehendabiziko aproba
ondoren speed pixka bat
herrian hori zen moda
ta pilulak hartzeraino
iritsi nintzen gerora
nahiz eta zentro batean
pasatu dudan denbora
guztiei entzuten diet
“betirako izango da”. (bis)

Inguruan gazte asko
dabil kaleetan berdin
nahiz eta ez ikusteko
egin hamaika ahalegin
eman dudan urrats hori
betirako izan dedin
hizketan aritu ohi naiz
sarri ispiluarekin
nahiz ta garbi egotea
halaxe dudan atsegin
nik ere ederki dakit
hasi baino ez da egin. (bis)

Tamalez halaxe doa
mende hontako mundua
estresean azkarregi
minutua, segundua
baina nik ederki dakit
zein zen honen helburua
hasieran aitortzeak
nahiz ta eman apurua
ekintzekin lasaitu nahi
nuke nere ingurua
hori baino gehixeago
maite det nere burua. (bis)