2024-03-15 Bilbo Sariketa [Bertsoa] / Bittor Altube, Aissa Intxausti

Aissa, potosikotiko-depresiboa zara, eta Bilboko eta inguruko bertso eskoletan zabiltza: astelehenetan Deustuko Elorri bertso eskolan, astearteetan Señora bertso eskolan, asteazkenetan Arrigorriagan eta ostegunetan lehenengo Santutxuko bertso eskolan eta gero Potojorran bertso eskolan. Gaur ostirala da eta Bittor psikoterapeutaren kontsultan zaude, dibanean etzanda.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2024-03-15 Bilbo Sariketa [Bertsoa] / Bittor Altube, Aissa Intxausti

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

A. Intxausti
Bertso oholtzak dira
niretzat aldare
ta psikoterapeuta
orain parez pare.
Igual arrazoi duzu
nago pixka’t grabe
ez dakit hitz egiten
errimatu gabe! (bis)

B. Altube
Bai, errimatzen duzu
gainera askotan
bertsotan zabiltz beti
baita ere lotan
baina ni nago Aissa
eskertu asmotan
zuregatik ikasi
dut eta bertsotan. (bis)

A. Intxausti
Beraz lagundu dizut
apur bat sorkuntzan
obsesioa daukat
eta nik hizkuntzan
bertso eskola badago
ezin egin huts han
eta ez badago berriz
kantatzen dut dutxan. (bis)

B. Altube
Ba benetakoa da
daukazun problema
soluzionatzen eman
behar dut onena
har ‘zazu liburu bat
ahazteko dena
Xabier Amurizak
idatzia ez dena. (bis)

A. Intxausti
Bertsotan izan behar du
gutxienez zatia
ta hori izan ahal da
zure erabakia
saio bat asmatzeko
hau da aitzakia
Bittor sortu dezagun
bertso terapia. (bis)

B. Altube
Ez dut gehiago sartu
gura hor muturra
buruai eman behar
diot ta egurra
buka dezagun orain
sesio laburra
hirurogeita bi euro
ta azken agurra. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko