2024-05-11 Senpere Sariketa [Bertsoa] / Maddi Aiestaran Iparragirre, Irantzu Idoate Funosas

Biziaren ondotik beste bizi bat badela sinisten dute biek, eta bakoitzaren izpiritua gizakia ez den beste gorputz batean berpizten dela. Beraz, nor izanen lirateke beste bizi batean?

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2024-05-11 Senpere Sariketa [Bertsoa] / Maddi Aiestaran Iparragirre, Irantzu Idoate Funosas

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

M. Aiestaran
Zorri bat izan nahi dut nik, gaur ez bezela
ta azkurea eman asko ahal dela
espekulatzaile ta burgesek horrela
seko nazkatu arte senti nazatela. (bis)

I. Idoate
Zorri gisa zintaizke produktuz erreta
hola nekez mantendu liteke oreka
hobe landare izan ondoren zer gerta
laster animalerik ez da izanen ta. (bis)

M. Aiestaran
Nik nere odol pittin ta bi edo lau zango
kezka bat dut ez dizut gezurrik esango
landarera egiten baduzu zuk txango
jo orduan ez al gara lagunak izango? (bis)

I. Idoate
Ba ukan genezake nunbait harremanik
baina duda sortu zait guzia erranik
izaki bizidun bat, hara ez dakit nik
nahiko bizi gabeak bagira jadanik. (bis)

M. Aiestaran
Bizitzen saiatzen naiz ni hanka ta buru
diozunak burlaren tankera hartu du
hilondoa gozatu behar dugu seguru
lehenengo hil arte itxarongo dugu. (bis)

I. Idoate
Ta ordurarte Maddi ene zenbat negar!
Nahiz eta gero izan gu bi zorri mehar
zertarako luzatu zerrendetan zehar
ez al du Jaungoikoak erabaki behar? (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko