BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (12. 2024)

Saioa

2024-12-14 Donostia Txapelketa

Gai-emailea

Iriarte Iribar, Iker

Bertsolariak / Egileak

Martin, Alaia

Lana

Bakarka gaia-emanda kartzelako-lana

Jarritako gaia

Gaur egungo datuek diote herritarrok Euskal Herriarekiko gero eta atxikimendu txikiagoa dugula. Etorkizunera begira jarri zara.

Deskribapena

Doinua

Tabuak min direnean

Neurria / Estrofaren izena

Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2024-12-14 Donostia Txapelketa [Bertsoa] / Alaia Martin

Neurria:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip) 
Kokapena:  XDZ - Xenpelar Dokumentazio Zentroa 

---

Gaztaroan dena nuen
zeloa eta kartela
jokatu nuen gudari
ta iraultzaile papela
atxiloketak astero
porraz bizkarra epela
beti lagun bategatik
txingurrituta sabela
garaiak aldatu dira
ta zer da eusko labela?
Errealitatea da
nahiko eremu krudela
baina inuzentea naiz
nola biziraun bestela
sinestu nahi dut guztia
gaizki ikertu dutela.

Gure herriak ze bide
zenbat mendeetako adin
urtez urte, aroz aro
borroka zahar baten lagin
baina bi estatuk goitik
behetik digute eragin
aktiboki disimuloz
ta bi eratan zenbat min!
Atxikimendurik ez da
ez gara horren desberdin
apatia da nagusi
atsegin zein desatsegin
zerbait egin beharko da
bihurtu dadin etekin
haurrak euskaraz hezi ta
garenaz ongi hitz egin.

Ezkortasuna izan da
ezkertiarron kondukta
ta aprobetxatu dute
ta atera diote punta
baina hemen gaude denok
zatika bezain batuta
zergatik ez dugu hartzen
geroaldiko batuta?
Bidea egiteke dago
nun jarri nahi dugu lupa?
Nora iritsi nahi dugu?
Nola joan ezkutuka?
Izan baikor ta eragin
eragin ahaldunduta
dena dago egiteke
ezer ez dago galduta.