Bertsoak - Fitxa ikusi Atal honi buruz gehiago jakiteko
2024-09-14 Urretxu Txapelketa [Bertsoa] / Antton Aizpurua, Ane Zuazubiskar Iñarra
| Bertsoa entzun |
2024-09-14 Urretxu Txapelketa [Bertsoa] / Antton Aizpurua, Ane Zuazubiskar Iñarra
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Aizpurua
Oppenheimerrena ez
omen zen plan txarra
baina topatu nuen
sarrera bakarra
ene somatzen nabil
hanketan dardarra
bera ote da edo
bonba nuklearra. (bis)
A. Zuazubiskar
Zaratak omen dizu
azal gaina laztu
aizu Oppenheimerrek
ze tarte, ze gastu
baimena eskatu gabe
ditut lehen dastatu
baina nahiko nizuke
oraintxe eskatu. (bis)
A. Aizpurua
Joño nire barrenak
ez dira lasaitzen
jolasa hasi bada
jolastera guazen
nahiz eta ausartu den
nahi beste eskatzen
oraindik ez da ausartzen
burua biratzen. (bis)
A. Zuazubiskar
Ze pelikula ez da
uste bezain txarra
baina behin pasatuta
lotsaren bi marra
hurrengoan eskatu
plan familiarra
hori bai litzakeela
bonba nuklearra. (bis)
A. Aizpurua
Zinema aretoa
hain ilun, horren hits
kasi lotsarik gabe
egiten gabiltz hitz
eta nere bi hankak
dardar-dardar dabiltz
hobe zen pelikula
motzagoa balitz. (bis)
A. Zuazubiskar
Bai palomitak jan ta
sumatuta nago
Christopher Nolan ondo
goazen harago
ze hurrengo astean
Antton, Barbie dago
baina bota zaiezu
zuk gatz gutxiago. (bis)
Datu-base honetan eskainitako informazioari buruz jakiteko, kontsultatu lege oharra