Bertsoak - Fitxa ikusi Atal honi buruz gehiago jakiteko
2024-09-14 Urretxu Txapelketa [Bertsoa] / Jon Gurrutxaga Urbieta
| Bertsoa entzun |
2024-09-14 Urretxu Txapelketa [Bertsoa] / Jon Gurrutxaga Urbieta
Neurria:
Hamalauko handia (hg) / Zazpi puntuko handia (ip)
Kokapena:
XDZ - Xenpelar Dokumentazio Zentroa
Gainean daude herriko jaiak
ta gainean euskal festa
gazteek parranda egiten dute
ta zaharrok berriz siesta
“ze diru gutxi gaurkoan aita”
hark egiten dit protesta
noski normala festetarako
behar baita diru extra
ordea datu batzuk badauzkat
ta ugaritu zait kezka
igual beste bat balitz nioke
lasai eska ‘zazu neska
baina alabak behar duena
barraketarako ez da. (bis)
Bere bisaia ikusi izan det
zuritua, urdindua
eta orduan soberan daude
banintza ta banindua
herrian hainbat gazte ikusi
det nik drogak birrindua
azken urtetan gorakorra da
datorkigun astindua
kontzientziatu beharko nuke
ta utikan agindua
zertako behar dun badakit eta
benetan nago mindua
bere burua izorratzeko
behar du nere dirua. (bis)
Egiak puntan arantza dauka
ta sarritan labankada
esan, ez esan, duda horrekin
pasa det azken bolada
nik ulertzen det festa garaian
pizten zaizuen zirrara
zuk uler ‘zazu zure zirrarak
ematen didan ikara
ta sukaldean gaude gu biok
gure kafesne kikara
lehenbizi zure laguntza dena
onartu ‘zazu alaba
eta orduan zinez diotsut
ondoan izango gara. (bis)
Datu-base honetan eskainitako informazioari buruz jakiteko, kontsultatu lege oharra