Bertsoak - Fitxa ikusi Atal honi buruz gehiago jakiteko
2024-09-21 Lazkao Txapelketa [Bertsoa] / Oihana Arana
| Bertsoa entzun |
2024-09-21 Lazkao Txapelketa [Bertsoa] / Oihana Arana
Neurria:
Hamalauko handia (hg) / Zazpi puntuko handia (ip)
Kokapena:
XDZ - Xenpelar Dokumentazio Zentroa
Poesiak hitza behar du beti
ta poesiak kalea
ni beti izan naiz metafora ta
hitz landuaren zalea
nire lanetik heldu zitzaidan
lehenbiziko seinalea
alboan utzi nuen pereza
alboratu logalea
eta artean soilik nintzela
karrerako ikaslea
nere eskutan zegon guztion
kalea edo balea
ta izan nintzen mende hontako
lehen euskal idazlea. (bis)
Ta liburu bat bilakatu zen
ezkutu ta estandarte
poematxotan bildu nituen
mendi, paraje zein parke
poematxotan bildu nituen
nere min, neure aldarte
ta argitaratu zen egunean
joe, ze eskaparate!
Nik ardurarik ez nuen gura
egon nahi nuen aparte
katebegi bat izan nahi nuen
ez nuen izan nahi kate
nik ardurarik ez nuen sentitu
ipini zidaten arte. (bis)
Zalantzan jarri nere aurpegi
ta gorpuzkera bordeak
zalantzan jarri nere mekauen
eta halako gordeak
beti ez dira gure aldeko
jokuaren akordeak
eta hargatik birpentsatzeke
daude oraindik moldeak
ai zenbat malko idatzi duen
nere ordenadoreak!
Baina honez gero ahaztuak ditut
bai sasiak bai loreak
ze zorionez etorri dira
gehiago eta hobeak. (bis)
Datu-base honetan eskainitako informazioari buruz jakiteko, kontsultatu lege oharra