Bertsoak - Fitxa ikusi Atal honi buruz gehiago jakiteko
2024-10-19 Eibar Txapelketa [Bertsoa] / Alaia Martin
2024-10-19 Eibar Txapelketa [Bertsoa] / Alaia Martin
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
Ahotsa dardarka, motel
sartu naiz bere kuartora
arnasteko bat, bi, hiru
lasai hartu dut denbora
bizitza aldatuko zaio
ezin itzuliz lehengora
bere hartzeko indarra
izango da suzko froga (bis)
atea zabaldu dut ta
berak begirada gora
susmatu du zerbait sobran
baitu beregan ganora
eta holaxe esan diot
goxo belarri ondora
“umetxo bat jaioko da
ta zure anaia izango da” (bis)
Berak isiltasun batez
sortu du parentesia
orain artean izan da
tronu erdian hezia
ta orain eztarri zulo
hortan daraman hesia
eraisteko sumatzen dut
nigan mila gabezia (bis)
nahiz ta konpartitzea den
bizitzaren esentzia
ai senide bat nahiz ta den
bizi osoko herentzia
ezin dut jasan sortuko
diodan diferentzia
lau hitzekin hautsiko dut
beraren inozentzia. (bis)
Berak dorre bat bota du
ukabilarekin sendo
ta bere antsietatea
sumatzen dut increccendo
ze egingo zaio laztana
jaio bazinen lehenengo
ezin zaitugu bihurtu
berriz ere bigarrengo (bis)
hau kontatzeko gogoa
maitea nik neukan zero
eta eztarrian traban
hala izan dut goizero
baina hauxe pentsatu nahi dut
inozentzi osoz edo
orain gorroto duzuna
maiteko duzula gero. (bis)
Datu-base honetan eskainitako informazioari buruz jakiteko, kontsultatu lege oharra