Bertsoak - Fitxa ikusi Atal honi buruz gehiago jakiteko
2024-10-26 Azkoitia Txapelketa [Bertsoa] / Ane Labaka Mayoz
| Bertsoa entzun |
2024-10-26 Azkoitia Txapelketa [Bertsoa] / Ane Labaka Mayoz
Neurria:
Hamalaukoa, handiaren moldekoa, 8 puntuz (hg) / Zortzikoa, handiaren moldekoa, 8 puntuz (ip)
Kokapena:
XDZ - Xenpelar Dokumentazio Zentroa
Errelato bat eraikitzen da
sarri sintagmaz sintagma
sumendi eran kanporatzeko
nere barreneko magma
bere izena entzundakoan
estutzen zait diafragma
gertatu zenak barru-barruan
dena aldatzera narama
bizilekua ta lana
aldatuak banan bana
mamu ilun bat behin eta berriz
itzultzen baita nigana
nere herrian lasai bizi da
eraso egin zidana. (bis)
Gure artean jarri zituzten
egun batez bi bionbo
baina dardarka izan nituen
esku, izter ta ukondo
geroztik nere bizitza hontan
dena bihurtu da lanbro
eta atzera egin dedanik
nahiz ta ez nukeen esango
ez da nere zai egongo
ai baina ze zulo hondo!
Epaia bere alde irten zen
nahiz ez nuen itxarongo
justizi deitzen diote baina
zerbait ez dijoa ondo. (bis)
Feminismoan eginagatik
hainbeste militantzia
gero halakoak gertatzen dira
hau da nere konstantzia
etxe berri bat, herri berri bat
ni hasieraz jantzia
nahiz ta sufritu nuen guztia
ez daukadan erantzia
du balio erantsia
aldaketaren antsia
gure kasuan hala izan da
ta nola izan ahantzia
azkenerako nik jarri behar
gure arteko distantzia. (bis)
Datu-base honetan eskainitako informazioari buruz jakiteko, kontsultatu lege oharra