Bertsoak - Fitxa ikusi Atal honi buruz gehiago jakiteko
2024-10-27 Irun Txapelketa [Bertsoa] / Aner Peritz Manterola
| Bertsoa entzun |
2024-10-27 Irun Txapelketa [Bertsoa] / Aner Peritz Manterola
Neurria:
Hamalaukoa, handiaren moldekoa, 8 puntuz (hg) / Zortzikoa, handiaren moldekoa, 8 puntuz (ip)
Kokapena:
XDZ - Xenpelar Dokumentazio Zentroa
Esaten dute gauza ona dela
itzuli nahi izatea
geroa dela iraganari
aurre egiteko pakea
nik herrian maiz probatu baitut
isilpea ta mahaipea
pentsatu ez arren gorde dudanik
manga azpian naipea
duda daukat multiplea
nahi baitut eragitea
erabaki dut herriko txosnan
turnotxo bat egitea
bai, bai, sinplea dirudi baina
denontzat ez da sinplea. (bis)
Ez dauzkat eta alfer-alferrik
mila zauri, mila duda
nire herritik joan bainintzen
gaur nagoen ingurura
kito kuadrilla, kito kaleak
kito dena bukatu da!
Ta orain itzuli beharran har hau
nola sartu zait barrura
nirea zen herri hura
oraintxe zait abentura
zertara noa, dibertsiora
haserrera, mendekura?
Zergatik nahi dut itzuli hainbeste
gorroto dudan lekura? (bis)
Lehen hain nintzen tipa umila
isila eta modesta
nahiago nuen ez ikustea
lehertzea baino xextra
han ikusi dut kuadrilla ta hartu
ditut bi txupito extra
txosna barruan dantzan hasi naiz
bakarrik irribarrezka
ez zaudete eroso ezta?
Lasai ez da zuen kezka
ni ez nentorren molestatzera
segi, segi zuen festa
hau lehen nintzena besarkatzeko
modu bat besterik ez da. (bis)
Datu-base honetan eskainitako informazioari buruz jakiteko, kontsultatu lege oharra