BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Osinalde Saria (53. 2025. Gabiria)

Saioa

2025-04-26 Gabiria Sariketa

Gai-emailea

Etxezarreta, Ane

Bertsolariak / Egileak

Aiestaran, June

Tatiegi, Aitor

Lana

Binaka gaia-emanda

Jarritako gaia

Aita alabak zarete. Aitor aitarentzat langile ona izatea da garrantzitsuena. Alaba beti dantzan edo musika jotzen aritzen da.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2025-04-26 Gabiria Sariketa [Bertsoa] / June Aiestaran, Aitor Tatiegi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Tatiegi
Lege zaharrak zituen
horrenbeste gako
denbora ezin pasa
lanetatik kanpo
ta zuk dena jolasa
zeronen kasako
hala Euskal Herririk
ez dugu altxako. (bis)

J. Aiestaran
Euskal Herriak asko
baititu barrenak
ta ez itzazu sortu
etxean problemak
leporatu behar al
dizkit gauza denak
arratsaldea siestan
pasatzen duenak? (bis)

A. Tatiegi
Baina ni seietan naiz
ohetik mugitu
ta zu orduan zinen
parrandako triku
gitarrarena ondo
igual iruditu
behintzat Laboarenak
joko bazenitu! (bis)

J. Aiestaran
Nik Bad Gyali luzatu
ohi diot begia
Laboarena baita
pedantekeria
lur azpian zenduke
aita aurpegia
egingo bazendu nik
eindako erdia. (bis)

A. Tatiegi
Hizketan ona zara
bai zabiltza ongi
baina zuretzat badut
lantxo bat edo bi
lurra aipatu duzu
ta atxurra tori!
Orduan pasako da
rebeldia hori. (bis)

J. Aiestaran
Ai artista beharra
bazeukan Gabirik
eta hain juxtu gogo
handia piztu dit
hogei urtera seitzen
badezu bizirik
ez dizut eskeiniko
nere abestirik. (bis)