Bertsoak - Fitxa ikusi Atal honi buruz gehiago jakiteko
2005-12-18 Barakaldo Txapelketa 11:00 [Bertsoa] / Unai Iturriaga
| Bertsoa entzun |
2005-12-18 Barakaldo Txapelketa 11:00 [Bertsoa] / Unai Iturriaga
Neurria:
Neurri berezikoak
Kokapena:
XDZ - Xenpelar Dokumentazio Zentroa
Beti izan naiz tipo bat
gogorra eta suharra
zenbaiten gustokorako igual
baita apur bat makarra
nik ere ez dut gustoko
ez jendetzaren marmarra
baina barruko indarra
lehertu zait barra-barra
nahiz ta pentsatu geratu
naizela triste samarra
pentsatu eta oraindik
daukat ebatzi beharra
tristurak edota pozak
sortu didan gaur negarra.
Sentimentuek horixe
dute bere erregela
ebidentzien aurrean
ezin bota errezela
egun luzea izan da
saioa eta kartzela
baina guztiok nibela
uste genuen bezela
eman dugu ta sinesten
dugu merezi zuela;
malko leun batek gozoki
zeharkatu dit mazela
hamasei urte ta gero
Bizkaian dago txapela.
Ai txapel beltz horrek badu
nahiko karga, nahiko pisu
urrunetik begiratu
ze dardara ta ze izu;
ostetik ekarriko du
makina bat konpromisu
lehengoa genuen maisu
Egaña kristona aizu!
Baina denporak kentzen du
agian ematen dizu
eta zorionak Igor
ta utzi ezkero bi muxu
denok merezi genuen
baina zuk eraman duzu.
Datu-base honetan eskainitako informazioari buruz jakiteko, kontsultatu lege oharra