Bertsoak - Fitxa ikusi Atal honi buruz gehiago jakiteko
2006-03-18 Zestoa Jaialdia [Bertsoa] / Sustrai Colina, Jokin Uranga
| Bertsoa entzun |
2006-03-18 Zestoa Jaialdia [Bertsoa] / Sustrai Colina, Jokin Uranga
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
S. Colina: Ai ene zenbat ohar
eta zenbat nota
aipatuaz manifak
ta kale borroka!
Ezker abertzalean
ustezko porrota;
zertan zabiltz gezurrak
bota eta bota
ia zurea ez den
herriaren kontra?
J. Uranga: Euskal Herrian bizi
dugun panorama
nere ustetan ere
bada nahiko drama;
baina kazetariok
beti dugun plana
ba al dakizu gazte
zein den nire lana?
Paperean jartzea
ikusten dedana.
S. Colina: Portugaleten agur
esan nahi Igorri*
eta Baltzak gainetik
ertzainak igorri;
gainera pakerako
ez ziren etorri.
Hor gaude bisaiak beltz
ta ipurdiak gorri;
esan zaidazu nola
deitzen zaion horri?
J. Uranga: Nere langintza omen da
zure ustez ganga.
Kalean denak dabiltz
dinbi eta danba
eta Portugaleten
izan zen eztanda
baina ez nintzen joan
egia esanda
lagunekin bazkari
ba izan nuan da.
S. Colina: Badaude mila ahots
ta mila eztarri
izan nahi luketenak
geroan euskarri
ta zuk uzten dituzu
beti parregarri;
herriari lagundu
asko eta sarri
ta lagundu ezean
trabarik ez jarri.
J. Uranga: Kontuak idaztea
da nere ardura
egunkari batean
ez lege ez muga;
haserre omen zaude
gaur nere kontura
ta ez izatekotan
haserre ta duda
erosi irakurri
nahi zenuen hura.
Datu-base honetan eskainitako informazioari buruz jakiteko, kontsultatu lege oharra