Bertsoak - Fitxa ikusi Atal honi buruz gehiago jakiteko
2006-09-02 Hondarribia Berezia [Bertsoa] / Andoni Egaña, Jon Maia
| Bertsoa entzun |
2006-09-02 Hondarribia Berezia [Bertsoa] / Andoni Egaña, Jon Maia
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Egaña: Lehenengo aldiz tokatu zaigu
Kontxara sartzeko txanda.
Hauei lehena tokatzen zaie
ta guri bigarren tanda.
Hau po-po-poza hauxe da poza
egia garbi esanda;
ez kaso egin po-po-po hoiek
bozina hotsak ziran da.
J. Maia: Eta ni berriz ohian egon naiz
nekatuta nahiko grabe;
bitarte hontan gertatu omen
dira zenbait nobedade;
kalean ez dut askorik entzun
etxean ere suabe.
Gaur Teleberrin esan dutenez
bihar estropadak daude.
A. Egaña: Osaba bat dut adinez luze
entrenatzaile gainera;
Enbatarekin* hogei urtean
beti gora eta behera;
aspalditxoan osasunetik
juxtu zebilena bera
baina berpiztu egin ez da ba
ostegunetik aurrera!**
J. Maia: Zer esango det? Esku artean
goizez hartu dut papela;
irakurri det baju dagola
pantano askoren nibela;
arrandegian ere ikusi dut
atuna merketu dela.
A! Ta uste det bihar goizean
estropadak badaudela.
A. Egaña: Bihar goizean estropada bai
entzun dezu eta tira;
Acuariumean jende mordoxka
bildu liteke guztira;
Hondarribitik inor balego
telebistatik begira
Astilleroren zalerik ez da
urdin denak Zarautz dira.
J. Maia: Jendeak ez du desberdinduko
eta neuk ere ez dakit;
hemen jendea ez da enteratu
hortaz ez du entzun tutik.
Azkenaldian gorriz nabil ni
gorriz hemendik ta hortik
baina gaurkoan beltzez jantzi naiz
ez det esango zergatik.
Datu-base honetan eskainitako informazioari buruz jakiteko, kontsultatu lege oharra