Bertsoak - Fitxa ikusi Atal honi buruz gehiago jakiteko
2005-06-25 Leioa Jaialdia [Bertsoa] / Unai Iturriaga
| Bertsoa entzun |
2005-06-25 Leioa Jaialdia [Bertsoa] / Unai Iturriaga
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Galdera hori pentsatzen egon
al zarete hiru buru?
Nirean behintzat erantzuteko
nahikoa leku hartu du.
Zer garen eta nundik gatozen
nora juatea helburu?
Herria garen, jendarte garen
inor ez dago seguru;
zer garen ondo jakin ez eta
selekziorik ez dugu.
Nor izatean izan lezake
beharbada garrantzia
nahiz ta kontutan hartu behar den
aurrekoen herentzia.
Egia esan kirol munduak
nauka apur bat etsia
ikusiz gure inguruan ere
jende askoren kontzientzia
nola animatzen dituzten sutsu
España eta Frantzia.
Azken batean ze odol klase
daramagu guk zainetan?
Zertan gabiltza sarritan geure
burutxoak engainetan?
Urtean partida bat jolastu
eta hor gabiltz festetan;
selekziorik ez ta zer garen
erantzun ezin benetan;
zerbait prestauta ekarriko dut
nik datorren sanjoanetan.
Datu-base honetan eskainitako informazioari buruz jakiteko, kontsultatu lege oharra