BDB Bertsolaritzaren datu-basea

Informazio orokorra

Kategoria

Bat-batekoa

Saioa

2008-12-12 Zarautz Sariketa

Gai-emailea

Aizpurua, Xabi

Epelde, Imanol

Bertsolariak / Egileak

Alberdi, Uxue

Elortza, Igor

Lana

Binaka gai-librean

Jarritako gaia

Bi poeta zarete. Uxuek uste du egoera zoriontsuek asko laguntzen dutela poesia ekartzen; Igorrek, aldiz, pentsatzen du zoritxarrek askoz aukera gehiago ematen dutela poesia sortzeko.

Deskribapena

Doinua

Oihaneko pagoak blai

Neurria / Estrofaren izena

KOPLEN MULTZOA

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2008-12-12 Zarautz Sariketa [Bertsoa] / Uxue Alberdi, Igor Elortza

Neurria:  KOPLEN MULTZOA 
Kokapena:  XDZ - Xenpelar Dokumentazio Zentroa 

---

U. Alberdi: Ez da egoera txarrik
ta ez da esan beharrik
tristura behar izaten dute
poeta txarrek bakarrik. (bis)

I. Elortza: Zu zara neska bat fina
baina dut gauza jakina
zoriontsuek maite dutela
desgraziatuaren mina. (bis)

U. Alberdi: Ni nabil festarik festa
alaia baitegu neska.
Poeta ona baldin badegu
egoera txarrik ez da! (bis)

I. Elortza: Zu festarik festa artez
zoriontsu izan zaitez.
Hortik poemak sortu litezke
baina poesiarik ez. (bis)

U. Alberdi: Nahiz eta ez degun errez
ta lortzen den oso nekez
negar malkoak sortu nahi ditut
zorionan zorionez. (bis)

I. Elortza: Behin pasa nintzen barrendik
eta horrek esaten dit:
poztasunetik ezin da sortu
tontakeriak besterik. (bis)

U. Alberdi: Bai arrazoia dezuna
ni oso naiz jakituna
tontakeria zoragarri bat
baita zoriontasuna. (bis)

I. Elortza: Zuk poematan jarria
egiaren oinarria
nik egiarik ez daukat baina
pose erakargarria. (bis)

U. Alberdi: Zaude apoyo beharrez
negarrez lortzen da errez.
Nik gaur festa bat egin nahi nuke
zuk segi zazu negarrez.(bis)

I. Elortza: Hain zara ondo hezia
argia ta berezia
zugatik pozik alda dezaket
pozik nire poesia. (bis)

U. Alberdi: Badaki izaten makarra
ta horretan ez da baldarra...
Poesiarik ederrena da
Elortzaren irriparra. (bis)