2010-01-30 Donostia Berezia [Bertsoa] / Maialen Lujanbio

* Unai Elizasuk pitxar bat ur hartu eta Maialenen eskuetara bota zuen.
Andoni Egañaren azalpena Unai Elizasuk gaia jarri aurretik: "Jorge Oteizak askotan aipatzen zuen zenbaterainoko mina zuen euskaraz ez zekielako. Bere arbasoek ba omen zekiten, baina ez zioten transmititu. Min horrekin biziko zen eta min horrekin hilko zen. Imajinatu, joan zen mendearen hasieran euskaraz ez zekien mutil koskor bakarra izango zen Orion."

Deskribapena

Doinua

Lurraren pean sar nindaiteke

Neurria / Estrofaren izena

Hamarreko handia (hg) / Bost puntuko handia (ip)

Edukiari buruz

Pertsonak

Oteiza, Jorge

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2010-01-30 Donostia Berezia [Bertsoa] / Maialen Lujanbio

Neurria: Hamarreko handia (hg) / Bost puntuko handia (ip)
Kokapena: XDZ - Xenpelar Dokumentazio Zentroa

Ur txorrota bat bada hizkuntza
zenbat tanta da hitzeko?
Zenbat hitz dira tonu ezberdin
ta esanahi anitzeko?
Gaitz erdi ontzi bat baldin bagenu
tanta galduak biltzeko!
Eskuetatik joaten denak
arriskua du hiltzeko.
Hala’re hitzak ez ziren sortu
eskutan edukitzeko. (bis)

Hizkuntzarentzat museo bat da
oso etorkizun hitsa
basamortua izan liteke
ontzia edo kaliza.
Hitza ahotik ahora doa
haizea joaten den gisa
lau haizetara ugarituko
ta zabalduko balitza
busti dezala ur horrek lurra
ta erne dezala hitza. (bis)

Beste askok ere ez du ikasi
Jorge Oteizan gisara
ez diet jartzen barkamenaren
ta aitzakien izara.
Hurbil zaitezte gure ondora
zuen gogoz bizi gara
ura hizkuntza, hizkuntza ura
parekotasuna hara:
gure hizkuntza ura da eta
ura berriz bizitza da. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko