BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsoaroa (10. 2000. Iruñea)

Saioa

2000-11-16 Iruñea Jaialdia

Gai-jartzailea

Arozena, Estitxu

Bertsolariak / Egileak

Irazu Muñoa, Jexux Mari

Lizaso, Sebastian

Lana

Binaka gaia-emanda

Jarritako gaia

Gai honen arabera zu, Lizaso, bertsolari tipikoa zara, plazaz plaza ibiltzen den horietakoa, sagardo, ardo eta parrandazale purrukatua. Gaur Irazurekin egin duzu tipo Bertso Aroan, bertsolari iraultzaile teknozalearekin.

Deskribapena

Doinua

Bertsuak jarri dizkat

Neurria / Estrofaren izena

Seiko txikia (hg) / Hiru puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2000-11-16 Iruñea Jaialdia [Bertsoa] / Jexux Mari Irazu Muñoa, Sebastian Lizaso

Neurria:  Seiko txikia (hg) / Hiru puntuko txikia (ip) 
Kokapena:  XDZ - Xenpelar Dokumentazio Zentroa 

---

Irazu:
Urtetan ta ideatan
denean nagusi,
zu bezain klasikorik
ez det nik ikusi;
nola ez zera etorri
kupel eta guzi? (bis)

S. Lizaso:
Gauzak dauzkazu pixkat
argitu beharra;
nik aspaldi pasa nun
formalaren marra;
kupel bat ekarri det
ta hustu xamarra. (bis)

Irazu:
Nunbait hustu xamarra
bota eta kasu;
ordenadorearen
garaiak arazu...
portatilla ez beste dena
izango zera zu. (bis)

S. Lizaso:
Ordenadore aroai
gaztediak heldu,
bat galtzarpean hartuz
noranahi azaldu
ta klasiko garenak
buruan daukagu. (bis)

Irazu:
Buruan portatilla
gauza dotorea,
estetika're zerbait
badegu ordea;
propio al dakarkizu
egur kolorea? (bis)

S. Lizaso:
Ohartu zera, ez da
zuretzat kaltera,
hobe dezu kontuak
aurretik atera...
propio etorri naiz
egurra ematera. (bis)

Irazu:
Egurra emateko
Azpeititik korri,
lehengoak txikiteoa
maite dute sarri;
tabernan hasi eta
berandu etorri. (bis)

S. Lizaso:
Berandu etortzea
agian kalteko,
hala ere ez ote ditut
nik lanak beteko?
Azkar bukatu nahi dut
berriro joateko. (bis)