Bertsoak - Fitxa ikusi Atal honi buruz gehiago jakiteko
2000-09-13 Bermeo Jaialdia [Bertsoa] / Sebastian Lizaso, Jon Lopategi
| Bertsoa entzun |
2000-09-13 Bermeo Jaialdia [Bertsoa] / Sebastian Lizaso, Jon Lopategi
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
S. Lizaso:
Senarra patxada pixkat
har zazu mesedez;
zure nahiak betetzen
ez dadukat errez;
beti zerbaiten eskean
zu halabeharrez;
gorputza jubilatua
baina burua ez.
J. Lopategi:
Estimatzekoa da
horrela esana,
eta estimatu zuk
senarrak dun fama;
aspaldi jarri nautsun
hortarako plana;
hartzea baino ez da
zuk daukazun lana.
S. Lizaso:
Garai bateko idia
berriro zezendu,
nahiz ta bestea ez zaion
gehiegi zuzendu;
lata ta lata ezin det
ondotikan kendu...
nik baietz esatean
biharko uzten du.
J. Lopategi:
Hori gertatzen danik
ez naz enteratu
eta abildadean
ondo begiratu;
badakit nun apunta
eta nun zulatu...
garritik behera ez naiz
oindik jubilatu.
S. Lizaso:
Zergatik ari zera
gezurrak kontatzen?
Zure indarrik ez da
ohean azaltzen.
Berak esan du "badakit
ondo apuntatzen"...
argia piztuta ere
ez dezu asmatzen!
J. Lopategi:
Ondo betetzen ditut
hainbat gizalege,
eta animoso nago,
hori alafede;
gezurrik ez eizu esan,
beti nago trebe
eta emongo dautsut
eskatu ez-ta ere.
S. Lizaso:
Tarteka hasten zara
laztan eta musu;
gero ezin bete ondo
hainbat konpromisu;
tarteka epeltzen zara,
baina ez bero ta ez su...
pelikula gehiegi
ikusten dituzu!
J. Lopategi:
Nire desafioan
daukazu ikara;
atakatzen badautsut
Jainkoak anpara!
Erreminta hor dabil
hona eta hara...
krema bat behar dozu,
legortu egin zara!
S. Lizaso:
Jolasik politena
krema gabekoa;
gehiegi harrotu zait
ondoko tipoa.
Nahi badezu izango da
gaurkoa nahikoa;
zatoz ta egin dezagun
urte guztikoa!
J. Lopategi:
Zelebratu dagigun
alkarri helduta!
Jubilatuz ez nago
ni behetik ahulduta,
baina animuz ez dago
gaur zure konduta;
zuk behar dozuna da
Bernarren kontsulta. *
Datu-base honetan eskainitako informazioari buruz jakiteko, kontsultatu lege oharra