2002-03-22 Bilbo Sariketa [Bertsoa] / Etxahun Lekue, Anertz Muniategi

Aita-semeak zarete. Etxahun aitak zin egin zion Begoñako Amari Anertz semeak karrera amaituz gero, belauniko joango zinetela biok basilikaraino. Anertz, ikasketak bukatu dituzu, eta aitak basilikara eraman nahi zaitu esana bete dezazuen.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2002-03-22 Bilbo Sariketa [Bertsoa] / Etxahun Lekue, Anertz Muniategi

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

A. Muniategi:
Karrera bukatuta
lasai dut arnastu
orain ez nago lehen
nengon bezain estu.
Belaun bururik ez dut
alperrik nahi laztu
zure zinak zeureak
dira, ez ahaztu. (bis)

Lekue:
Aprobatu dozu ta
orain zagoz aske
holantxe dabiltza bai
gaur hamaika gazte!
Baina ni horren trankil
nagonik ez uste
sufritu beharko duzu
nik oin arte beste. (bis)

A. Muniategi:
Barruan gorrotoa
bestela zer dauka?
Hola hitz egiteko
semearen aurka.
Nik neuk ez dut buruan
bideko gomuta
nik jarraituko dizut
kotxea hartuta. (bis)

Lekue:
Bide hortatik seme
zu zoaz alperrik
artrosiagaz ez dot
min bako hazurrik.
Belaun buruetan be
ez dekot indarrik
igual joan beharko dozu
baina zeuk bakarrik. (bis)

A. Muniategi:
Zure eskaintza horri
uko egin beharko
nire belaunak ere
daude nahiko txarto.
Agindurik ez daukat
Jaungoikoantzako
fedea agureen
kontua delako. (bis)

Lekue:
Aitari era hortan
ez berba ein, aizu;
orain arte izan naz
beti zure maisu;
orain Begoñaraino
joango zara zu
agure izatera
heldu nahi badozu. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko